जळगावात 9 वर्षांची मुलगी शाळेत गेली, सायंकाळी घरीच आली नाही, 'त्या' ठिकाणी दप्तर सापडलं

हे ही वाचा : ज्योतिषशास्त्रानुसार, 'या' राशीतील लोकांना मिळणार पैसाच पैसा, तर काही राशीतील लोकांना मिळणार आपलं प्रेम

जिल्हा परिषदेच्या शाळेत शिक्षण घेणारी मुलगी बेपत्ता

संबंधित प्रकरणात समोर आलेल्या माहितीनुसार, जळगावातील चाळीसगावात तालुक्यातील तरवाडे बुद्रुक येथील जिल्हा परिषदेच्या शाळेत इयत्ता चौथीच्या वर्गात शिक्षण घेणारी मुलगी संशयिरित्या बेपत्ता झाली होती. तिचं नाव धनश्री शिंदे (वय 9) असे आहे. धनश्री बेपत्ता झाल्याची माहिती समजताच परिसरात खळबळ माजली आहे.

आई-वडील शेतातून घरी परतल्यानंतर...

या प्रकरणात आई-वडील शेतातून घरी परतल्यानंतर मुलगी न आढळल्याने शाळेत चौकशी केली असता, सायंकाळी 5 वाजताच्या सुमारास मुलगी शाळेतच होती आणि नंतर ती घरी निघाल्याचे शिक्षकांनी सांगितलं. कुटुंबीय व ग्रामस्थांनी सर्वत्र शोधाशोध केली. ग्रामपंचायतीच्या सीसीटीव्ही फुटेजमध्ये सायंकाळी 5 वाजताच्या सुमारास ती ग्रामपंयातीच्या दिशेने जाताना दिसली होती. पण, नंतर तिचा कसलाही मागोवा मिळालेला नाही.

हे ही वाचा : "तू काळी आहेस, अपशकुनी आहेस..." सासरी हुंड्यासाठी छळ अन् रंगावरून टोमणे! विवाहितेचे गंभीर आरोप...

गावाबाहेरील असलेल्या शेताच्या रस्त्यावरच धनश्रीचे दप्तर आढळून आले होते. नंतर एका अज्ञात व्यक्तीने अपहरण केल्याचा संशय देखील व्यक्त करण्यात आला आहे. या प्रकरणात तालुका पोलीस ठाण्यात संबंधित गुन्हा दाखल करण्यात आला आहे.