एका पाय नसलेली जीन्स! 'विचित्र फॅशन' Viral, या जीन्सची किंमत विचारूच नका...

या जीन्सची किंमत तब्बल 38,330 रुपये ($ 440) आहे. काही फॅशन प्रेमी याला एक नवीन ट्रेंड मानत आहेत, तर बरेच लोक याला 'विचित्र' आणि 'अव्यवहार्य' म्हणत आहेत.

इन्फ्लुएंसरने ती जीन्स घातली, नवऱ्याने उडवली खिल्ली

1.6 कोटी फॉलोअर्स असलेल्या टिकटॉक स्टार क्रिस्टी साराने ही जीन्स वापरून पाहिली आणि याला 'इंटरनेटवरील सर्वात वादग्रस्त जीन्स' म्हटलं. पण तिचा नवरा डेसमंड त्यावर हसला आणि म्हणाला की कोणीही ही जीन्स घालू शकत नाही!

हे ही वाचा>> आरारारा खतरनाक! रेल्वे फाटक बंद झालं..चक्क बाईकच खांद्यावर उचलून पलीकडे गेला, बाहुबलीचा Video व्हायरल

याबाबत सोशल मीडियावर मजेदार प्रतिक्रिया आल्या आहेत. कोणीतरी म्हटले की, ही जीन्स अशी वाटतेय की, जणू काही एक पाय बाहेर काढून झोपत आहोत, तर कोणीतरी असा प्रश्न केला की हे खरोखर ट्रेंडमध्ये आहे का आणि लोक हे घालून रस्त्यावर चालतील का? त्याच वेळी, कोणीतरी म्हटले की, जेव्हा हे ट्रेंड होईल तेव्हा या जीन्स देखील सामान्य दिसू लागतील.

जीन्स SOLD OUT! लोक जुन्या जीन्स लागले कापू 

सोशल मीडियावर लोक याला ट्रोल करत असले तरी,  Coperni ची ही जीन्स एक्स्ट्रा स्मॉल, स्मॉल आणि मीडियम साइज ही पूर्णपणे SOLD OUT आहे. ज्यांना ही जीन्स मिळू शकले नाही, त्यांनी आता त्यांच्या जुन्या जीन्सचा एक पाय कापून हा ट्रेंड फॉलो करायला सुरुवात केली आहे.

हे ही वाचा>> Viral Video: ब्रेकअपच्या 17 वर्षांनंतर शाहिदला पाहताच करीनाने केलं तरी काय? ज्याची तुफान चर्चा!

हे फॅशनचे नवे भविष्य आहे का?

Coperni च्या मते, ही रचना "पारंपारिक फॅशनपासून दूर जाते" आणि सिंगल-लेग बूटकट सिलुएटसह हाय-वेस्टेड असलेल्या शॉर्ट्सना एकत्र करते. यापूर्वी, Louis Vuitton आणि Bottega Venet  यांनीही असिमेट्रिकल फॅशनचा प्रयोग केला आहे.