हे ही वाचा : घरात घुसून 14 वर्षांच्या मुलीवर बलात्कार, घाबरुन मुलगी गप्प बसली; यानंतर घडलं भयकंर

कौटुंबिक कलहातून टोकाचे पाऊल

या कुटुंबात गेल्या काही काळापासून सतत वाद सुरू होते. पीडित मुलीचे आजोबा केशर सिंह यांनी सांगितले की, त्यांच्या मोठ्या मुलाचे लग्न एप्रिल 2025 मध्ये झाले होते.त्यांचा मुलगा परदेशात राहतो. लग्नानंतर काही महिने सर्व काही सुरळीत होते, मात्र त्यानंतर सून छोट्या-छोट्या गोष्टींवरून भांडण करू लागली. विशेष म्हणजे, सुनेच्या माहेरच्या लोकांनीही तिचीच पाठराखण करत तांत्रिकांच्या सांगण्यावरून सासरच्यांवर आरोप केले होते. यामुळे घरात सतत अशांततेचे वातावरण होते.

समुपदेशनाच्या दिवशीच घडला थरार

घरातील वाढता छळ आणि वादाला कंटाळून केशर सिंह यांनी पोलीस अधीक्षकांकडे तक्रार केली होती, ज्यावर महिला हेल्पलाइनमध्ये समुपदेशन सुरू होते. घटनेच्या दिवशी सकाळीच 'वन स्टॉप सेंटर'चे कर्मचारी त्यांच्या घरी आले होते. तिथे सून आणि सासू-सासऱ्यांचे समुपदेशन करण्यात आले, ज्यामध्ये सुनेने वेगळे राहण्याची इच्छा व्यक्त केली. सासरच्यांनी तिला राहण्यासाठी स्वतंत्र खोलीही दिली, मात्र त्याच दिवशी संध्याकाळी या महिलेने पोटच्या गोळ्याचा जीव घेत सर्वांनाच धक्का दिला.

हे ही वाचा : रात्री बारा वाजता चिमुकलीला तेल, कुंकू लावलं अन् देवासमोर उभं करुन कुऱ्हाडीने मुंडकं छाटलं; सावत्र आईने का घेतला जीव?

पोलिसांकडून गुन्हा दाखल

मुलीच्या मृत्यूनंतर मृतदेहाचे पोस्ट मार्टम करण्यात आले. या अहवालात मुलीचा मृत्यू गळा दाबल्यामुळे झाल्याचे डॉक्टरांनी स्पष्ट केले. या अहवालाच्या आधारे केशर सिंह यांनी पोलीस ठाण्यात आपल्या सुनेविरुद्ध तक्रार दाखल केली आहे. पोलीस उपअधीक्षक अजय साह यांनी सांगितले की, या प्रकरणी खुनाचा गुन्हा दाखल करण्यात आला असून पोलीस पुढील कायदेशीर कारवाई करत आहेत.