मुंबईत लग्न, मग दुसरं अफेअर; लिव्ह इनमधून झालेल्या बाळासोबत काय केलं?

हेही वाचा : "ठाण्यात एका महिन्यात 5 हत्या, गृहमंत्र्यांचा लज्जास्पद कारभार"; शिवसैनिकाच्या हत्येनंतर राऊतांचा संताप

1 लाख 20 हजार रुपयांना विकलं

पोलिसांच्या माहितीनुसार, मुलाच्या पालकांनी त्याला सीमा नावाच्या महिलेकडे कथितरीत्या 1 लाख 20 हजार रुपये घेऊन दिले. कुटुंबाला मुलाचा सांभाळ करणे आर्थिकदृष्ट्या शक्य नसल्याचे कारण सांगण्यात आल्याची माहिती तपासात समोर आली. यासंदर्भात मुलाची देखभाल करण्यास असमर्थ असल्याचा उल्लेख असलेला बॉन्डही देण्यात आल्याचे पोलिसांनी सांगितले. मात्र, तपास पुढे गेल्यानंतर मुलाला एका कुटुंबाकडे सोपवण्यात आल्यापुरतीच ही बाब मर्यादित नसल्याचे समोर आले. पोलिसांच्या तपासानुसार, मिळालेल्या पैशांपैकी सुमारे 62 हजार रुपयांचे सोन्याचे दागिने आणि दोन ब्रँडेड स्मार्टफोन खरेदी करण्यात आल्याचे समोर आले आहे.

हेही वाचा : 'खाई त्याला खवखवे..', निवडणूक आयोगाची बाजू घेणाऱ्या भाजपला राज ठाकरेंचं म्हणीतून प्रत्युत्तर

नंतर बाळाचा 3 लाख 50 हजार रुपयांना सौदा

त्यानंतर बाळाला एका व्यक्तीकडून दुसऱ्या व्यक्तीकडे दिल्याचे तपासात समोर आले. सीमाने हे बाळ संगीता आव्हाड यांना 2 लाख 70 हजार रुपयांना विकल्याचे पोलिसांच्या तपासात निष्पन्न झाले. त्यानंतर या प्रकरणात स्वतःला डॉक्टर सांगणाऱ्या सुरेश गुंटुका याचे नावही समोर आले. पोलिसांच्या माहितीनुसार, नांदेडमध्ये बाळाची अदलाबदल झाली. त्यानंतर अवघ्या सुमारे 48 तासांत बाळ संभाजीनगरहून नांदेडमार्गे तेलंगणात पोहोचले. अखेर हैदराबादमधील उमा खटकम यांना हे बाळ 3 लाख 50 हजार रुपयांना विकल्याचे तपासात समोर आले. अशा प्रकारे सुरुवातीला 1 लाख 20 हजार रुपयांना दिले गेलेले बाळ पुढे 2 लाख 70 हजार आणि त्यानंतर 3 लाख 50 हजार रुपयांच्या कथित व्यवहारापर्यंत पोहोचले.

मुकुंदवाडी पोलिसांनी 24 सप्टेंबर रोजी या प्रकरणात गुन्हा दाखल केला होता. तपास सुरू केल्यानंतर पोलिसांनी बाळ कुठे गेले, कोणाकडे राहिले आणि पैशांचा व्यवहार कोणामध्ये झाला, याचा तपास केला. बाळ हैदराबादमध्ये असल्याची माहिती मिळाल्यानंतर पोलिसांनी तेथून त्याची सुरक्षित सुटका केली आणि त्याला महाराष्ट्रात आणले. त्यानंतर बाळाला बाल कल्याण समितीसमोर हजर करण्यात आले. समितीच्या आदेशानुसार सध्या बाळाला एका संस्थेच्या ताब्यात देण्यात आले आहे. या प्रकरणात मुलाच्या आईसह सात आरोपींना अटक करण्यात आली असून, बाळाला एका ठिकाणाहून दुसऱ्या ठिकाणी नेण्यात आणखी कोणाचा सहभाग होता आणि कथित व्यवहारातील पैशांचा संपूर्ण प्रवास काय होता, याचा तपास पोलीस करत आहेत.