गळ्याभोवती तार गुंडाळून बलात्कार, सेक्युरिटी गार्डचं विद्यार्थीनीसोबत क्रूर कृत्य

हेही वाचा : ठाकरे पुन्हा कोर्टात, सिब्बलांच्या नव्या युक्तिवादाने फुटीर खासदारांवर गंडांतर?

गळ्याभोवती तार गुंडाळली, अन् केला बलात्कार 

विद्यार्थिनीला सुरक्षा रक्षकाचे इरादे योग्य नसल्याचे लक्षात आल्याने तिने तेथून जाण्याचा प्रयत्न केला. मात्र, याचवेळी आरोपीने तिच्या गळ्याभोवती तार गुंडाळली. त्यामुळे ती स्वतःला सावरू शकली नाही आणि आरोपीने तिच्यावर बलात्कार केल्याचे तक्रारीत म्हटले आहे. विद्यार्थिनीने आरोपीकडे सोडून देण्याची विनंती केली, मात्र त्याने तिच्यावर बलात्कार केल्याचा आरोप आहे. घटना घडल्यानंतर आरोपी तेथून फरार झाला. या घटनेमुळे विद्यार्थिनीची प्रकृती बिघडली आणि तिला उपचारासाठी रुग्णालयात दाखल करण्यात आले. घटनेची माहिती मिळताच पोलिसांनी घटनास्थळी धाव घेतली.

हेही वाचा : ती 20 मिनिटं... मोदी आणि पवारांच्या खासदार भेटीमध्ये नेमकं घडलं तरी काय?

आरोपी कसा सापडला? 

पोलिसांनी PGमध्ये लावण्यात आलेल्या सीसीटीव्ही कॅमेऱ्यांची फुटेज तपासण्यास सुरुवात केली. सीसीटीव्ही फुटेजमध्ये आरोपी लिफ्टचा वापर करून वेगवेगळ्या मजल्यांवर तसेच छतावर ये-जा करत असल्याचे समोर आले. तपासादरम्यान पोलिसांनी या फुटेजसह संबंधित पुरावे गोळा केले. आरोपीची ओळख PGमध्ये सुरक्षा रक्षक म्हणून काम करणाऱ्या धर्म सिंह याच्या रूपात झाली. तो उत्तर प्रदेशातील हरदोई जिल्ह्यातील रहिवासी असल्याची माहिती आहे. त्याने काही दिवसांपूर्वीच या PGमध्ये सुरक्षा रक्षक म्हणून काम सुरू केले होते.

आरोपीला पकडण्यासाठी आनंदनगर पोलीस ठाणे, स्थानिक क्राइम ब्रांच आणि क्राइम ब्रांचने संयुक्तपणे मोठी शोधमोहीम सुरू केली. आरोपीच्या शोधासाठी एकूण 10 पथके तयार करण्यात आली होती. रात्री सुरू झालेली ही शोधमोहीम सुमारे 8 तास चालली. अखेर सकाळच्या सुमारास पोलिसांनी धर्म सिंहला पकडण्यात यश मिळवले. सध्या आरोपी पोलिसांच्या ताब्यात असून विद्यार्थिनीवर रुग्णालयात उपचार सुरू आहेत. या प्रकरणात पोलिसांनी केलेल्या जलद कारवाईची चर्चा होत आहे.