बायकोनं दुसरं लग्न केलं, नवऱ्याने पेट्रोल ओतून घर पेटवलं; स्वत:ही भाजला

हे ही वाचा : डॉक्टरांनी लेकासाठी मोटेगावकरांकडून पेपर विकत घेतला, CBI ने आवळल्या मुसक्या

स्थानिक आणि पोलिसांनी घटनास्थळी धाव घेतली. आगीत अडकलेल्यांना मोठ्या प्रयत्नाने बाहेर काढण्यात आले होते. आगीत पाच जण गंभीररित्या भाजून गेले होते. सर्वांना तातडीने पाटणा येथील एनएमसीएच रुग्णालयात दाखल करण्यात आले होते. मात्र, उपचारादरम्यान एकाच कुटुंबातील एका सदस्याचा दुर्दैवी मृत्यू झाला. 

आगीच्या घटनेला वेगळं वळण

सुरुवातीला हे प्रकरण आगीची एक साधी घटना असल्याचे वाटत होते, मात्र यामागे घटनेला एक वेगळंच वळण मिळालं होतं. या घटनेनं सर्वांनाच मोठा धक्का बसला होता. महिलेचा सध्याचा पती, गोंविद कुमार यांनी सांगितलं की, हा एक अपघात नसून एक मोठा कट रचण्यात आला. संबंधित प्रकरणात असा आरोप होता की, महिलेचा पहिला पती, कन्हाई कुमारनेच आपल्याच राहत्या घराला आग लावली होती. 

सीसीटीव्ही फुटेजमध्ये काय दिसलं? 

पोलिसांनी सीसीटीव्ही फुटेजची तापासणी केली असता, फुटेजमध्ये जे दिसलं, त्यातूनच हे प्रकरणाचे गूढ उलगडले. पाटणा शहर उपविभागीय पोलीस अधिकारी डॉ. गौरव कुमार यांच्या माहितीनुसार, कन्हाई कुमार भाजलेल्या अवस्थेत सीसीटीव्ही फुटेजमध्ये दिसून येत आहे. तपासातून उघडकीस आले की, महिलेच्या घराला आग लागली होती, तिचे यावर्षी एप्रिलमध्ये गोविंद कुमारसोबत दुसरा विवाह झाला होता. 

पत्नीच्या दुसऱ्या लग्नाचा बदला अन् नवऱ्याने घर पेटवलं

पोलिसांच्या प्राथमिक माहितीनुसार, कन्हाई कुमारने पत्नीने दुसऱ्या केलेल्या लग्नाचा बदला घेण्यासाठी घरावर पेट्रोल ओतले. मात्र, स्वत:च तो त्या आगीत भाजून निघाला. आग इतकी वेगाने पसरली की घरातील लोकांना स्वत:वर नियंत्रण ठेवता आलं नाही. पाच जाण भाजून निघाले आणि संपूर्ण कुटुंबात भीतीचे वातावरण पसरले होते. 

हे ही वाचा : बीड : लेकरांना बसमध्ये सोडून आई प्रियकारसोबत पळाली, चिठ्ठीत भलतंच काहीतरी..

आरोपी कुन्हाई कुमार सध्या रूग्णालयात दाखल करण्यात आले आहे. त्याच्यावर सध्या उपचार सुरू असताना पोलिसांनी त्याला ताब्यात घेतलं आहे. त्याची चौकशी सुरू असून या घटनेत आणखी कोण सामील होईल, याचा पोलीस शोध घेत आहेत.