हे ही वाचा : मुलाने 13व्या मजल्यावरून मारली उडी, फ्लॅटमध्ये आईचा कुजलेला मृतदेह.. दुहेरी मृत्यूने सोसायटीत घबराट

दुकानातच केले अत्याचार

पीडित मुलगी आपल्या घराशेजारील शाळेच्या मैदानात लहान बहिणीसोबत खेळत होती. त्याचवेळी तिथे एक दुकान चालवणाऱ्या ओळखीच्या दुकानदाराने तिला बोलण्यात गुंतवून आपल्या दुकानात नेले. दुकानात कोणीही गिऱ्हाईक नसल्याचा फायदा घेत दुकानदाराने चिमुरडीसोबत अश्लील चाळे करत तिला आपल्या वासनेची शिकार बनवले. यानंतर त्याने याबद्दल कोणालाही काही न सांगण्यासाठी मुलीला धमकावून तिची भीती घालवण्याचा प्रयत्न केला.

आईला बसला धक्का

या धक्कादायक प्रकारामुळे चिमुरडी प्रचंड घाबरली होती, मात्र तिने धीर एकवटून आपल्या आईला घडलेला प्रकार सांगितला. मुलीचे बोलणे ऐकून आईला मोठा धक्का बसला. पीडितेने सांगितले की, आरोपीने यापूर्वीही तिच्यासोबत असेच गैरवर्तन केले होते. घटनेचे गांभीर्य ओळखून पीडितेच्या आईने तात्काळ आपल्या नातेवाईकांना कळवले आणि कुटुंबासह पोलीस ठाणे गाठून मदतीची मागणी केली.

हे ही वाचा : बोटावर भलंमोठं ड्रेसिंग अन् नंतर बँडेज.., रुपाली चाकणकरांचे 4 फोटो पाहाच; सुषमा अंधारेंचे सनसनाटी दावे

इतर मुलांसोबतही गैरकृत्य?

दिल्ली पोलिसांनी या प्रकरणी त्वरित कारवाई करत भारतीय न्याय संहिता आणि पॉक्सो अंतर्गत गुन्हा दाखल केला आहे. पोलीस अधिकाऱ्यांनी दिलेल्या माहितीनुसार, आरोपीला अटक करण्यात आली असून त्याची सखोल चौकशी सुरू आहे. आरोपीने परिसरातील इतर मुलांसोबतही असे काही गैरकृत्य केले आहे का, याचा तपास आता पोलीस करत आहेत.