चकाकती कार, एका तासाचे 20 लाख, काकीची 'अश्लील' ऑफर, भाचीने दाखल केली FIR

हेही वाचा : अंकशास्त्र आणि राजकारण्यांचं भवितव्य, पाहा ठाकरे, शिंदे आणि फडणवीसांचं पुढे काय होणार?

अश्लील कृत्यासाठी 20 लाखांचे आमिष

पीडितेच्या म्हणण्यानुसार, आरोपी काकी आणि तिचा साथीदार गेल्या काही दिवसांपासून तिच्यावर सातत्याने दबाव टाकत होते. या संपूर्ण व्यवहारासाठी 80 लाख रुपयांचे बजेट ठरल्याचे सांगण्यात आले होते. त्यापैकी 20 लाख रुपये थेट तरुणीला दिले जातील, तर उर्वरित रक्कम काकी आणि तिचा साथीदार आपापसात वाटून घेतील, असे तिला सांगण्यात आले. तसेच या व्यवहाराची माहिती घरातील कोणालाही देऊ नये, अशी सक्त ताकीदही तिला देण्यात आली होती. मात्र, या प्रस्तावामागील उद्देश समजल्यानंतर तरुणीने तो स्पष्टपणे नाकारला आणि आपल्या आत्मसन्मानाला प्राधान्य देत कोणत्याही परिस्थितीत असे कृत्य करणार नसल्याचे सांगितले.

हेही वाचा : '10 कोटींची जमीन तुझी, फक्त आईला मारुन टाक' 24 वर्षीय आयुषीने कसा रचला कट?

कुटुंबीयांनी धीर दिल्यानंतर तरुणीची पोलिसांत धाव 

यानंतर तरुणीने घरी जाऊन संपूर्ण घडलेला प्रकार आपल्या आई-वडिलांसह कुटुंबीयांना सांगितला. ही बाब समजल्यानंतर आरोपी काकी पुष्पा देवी आणि तिचा साथीदार सुनील राजभर संतप्त झाले. तक्रारीनुसार, दोघेही थेट पीडितेच्या घराबाहेर पोहोचले आणि तेथे उभे राहून पीडितेसह तिच्या कुटुंबीयांना शिवीगाळ केली. कुटुंबीयांनी विरोध केल्यानंतर दोघांनी त्यांना जीवे मारण्याची धमकी दिल्याचाही आरोप करण्यात आला आहे. या प्रकारामुळे पीडित तरुणी आणि तिचे कुटुंब भयभीत झाले. मात्र, कुटुंबीयांनी धीर दिल्यानंतर तरुणीने पोलिसांकडे जाण्याचा निर्णय घेतला.

यानंतर पीडित तरुणीने दुल्लहपूर पोलीस ठाण्यात लेखी तक्रार दाखल केली. तक्रारीची गंभीरता लक्षात घेऊन पोलिसांनी तत्काळ कारवाई करत आरोपी काकी पुष्पा देवी आणि तिचा साथीदार सुनील राजभर यांच्याविरोधात शिवीगाळ, जीवे मारण्याची धमकी तसेच इतर संबंधित गंभीर कलमांअंतर्गत नामनिर्देशित गुन्हा दाखल केला आहे. या प्रकरणाचा पुढील तपास सुरू असून आरोपींविरुद्ध आवश्यक कायदेशीर कारवाई करण्यात येत असल्याचे पोलिसांनी स्पष्ट केले आहे.