हे ही वाचा : 'हसू झालंय माझं..,जीव होता तो माझा..', सोलापुरातल्या पायलची काळजाचं पाणी करणारी सुसाईड नोट; तिघांना अटक

चारित्र्यावर संशय घेत मारहाण

पीडित तरुणी गुरुग्राममध्ये राहून बीएससी बायोटेकचे शिक्षण घेत होती. सप्टेंबर 2025 मध्ये एका ऑनलाईन डेटिंग ॲपच्या माध्यमातून तिची ओळख दिल्लीच्या नरेला येथील रहिवासी असलेल्या शिवमशी झाली. ओळखीचे रूपांतर मैत्रीत आणि नंतर प्रेमात झाले. आरोपीने लग्नाचे आमिष दाखवून तिच्याशी शारीरिक संबंध प्रस्थापित केले आणि त्यानंतर दोघेही गुरुग्राममध्ये एकत्र राहू लागले. मात्र, काही काळातच शिवम तिच्या चारित्र्यावर संशय घेऊ लागला आणि किरकोळ कारणावरून तिला मारहाण करू लागला.

सॅनिटायझर ओतून आग लावली

16 फेब्रुवारी रोजी आरोपीने क्रूरतेचा कळस गाठला. त्याने पीडितेला इतकी अमानुष मारहाण केली की तिची प्रकृती खालावली. पीडितेने पोलिसांना दिलेल्या जबाबानुसार, शिवमने तिच्या डोक्यात स्टीलची बाटली मारली, तिचे डोके भिंतीवर आणि कपाटावर आदळले. इतकेच नाही तर मातीच्या भांड्यानेही तिच्यावर वार केले. त्यानंतर त्याने तिच्या खाजगी भागावर सॅनिटायझर ओतून आग लावून दिली. या वेदनादायक प्रकारानंतर पीडितेने आपल्या आईला फोन करून वाचवण्याची विनंती केली, तेव्हा हे भीषण वास्तव उघड झाले.

हे ही वाचा : सांगली : पोटच्या दोन लेकरांना 20 हजाराला विकले, पाच दिवसांच्या मुलीची विक्री करताना आई सापडली

'आम्हाला याची कल्पनाच नव्हती'

गुरुग्राम पोलिसांनी याप्रकरणी तातडीने कारवाई करत आरोपी शिवमला अटक केली असून त्याची रवानगी न्यायालयीन कोठडीत करण्यात आली आहे. पीडितेच्या आईने आरोपीवर बलात्कार आणि खुनाच्या प्रयत्नाचे कलम लावण्याची मागणी केली आहे. 'माझी मुलगी तिथे शिवमसोबत राहतेय याची आम्हाला कल्पना नव्हती,' असे तिच्या आईने सांगितले. पोलीस सध्या या प्रकरणाचा सखोल तपास करत असून पीडितेचा जबाब आणि वैद्यकीय पुराव्यांच्या आधारे पुढील कायदेशीर प्रक्रिया पार पाडली जात आहे.