हे ही वाचा : दोन मुलांचा बाप असूनही दया-माया दाखवली नाही, विकृताने चिमुकलीला दातांनी इतकं छळलं की कोमात गेली

वडिलांच्या मृत्यूचा सूड

सुचित्रा असं आरोपी महिलेचं नाव आहे. सुचित्राच्या वडिलांचे दीड वर्षापूर्वी निधन झाले होते. याचा तिला मोठा धक्का बसला होता. वडिलांच्या मृत्यूचे नेमके कारण जाणून घेण्यासाठी तिने एका ज्योतिषाचा सल्ला घेतला. यावेळी त्या ज्योतिषाने 'तुझ्या आईने जादूटोणा केल्यामुळेच तुझ्या वडिलांचा मृत्यू झाला,' असे सुचित्राला सांगितले. ज्योतिषाच्या या दाव्यावर सुचित्राने आंधळेपणाने विश्वास ठेवला आणि तिच्या मनात स्वतःच्या आईबद्दल सूडाची भावना निर्माण झाली.

उशीने तोंड दाबून घेतला जीव

सुचित्राने आपल्या आईच्या घरी जाऊन ती झोपेत असताना उशीने तिचे तोंड दाबून तिचा जीव घेतला. गुन्हा लपवण्यासाठी तिने हा नैसर्गिक मृत्यू असल्याचे भासवण्याचा प्रयत्न केला आणि घाईघाईने अंत्यसंस्काराची तयारीही सुरू केली. मात्र, पुष्पावती यांचा मृतदेह पाहून गावातील लोकांना संशय आला. ग्रामस्थांनी तातडीने पोलिसांना पाचारण केले. पोलिसांनी घटनास्थळी पोहोचून सुचित्राची कसून चौकशी केली असता तिने आपला गुन्हा कबूल केला.

हे ही वाचा : आधी जावयासोबत अन् आता मेहुण्यासोबत पळाली; अनिताच्या प्रेमप्रकरणांची देशभर चर्चा

ज्योतिषाचा शोध सुरु

याप्रकरणी क्यातसांद्रा पोलीस ठाण्यात खुनाचा गुन्हा दाखल करण्यात आला असून सुचित्राला अटक करण्यात आली आहे. या कटात सुचित्राच्या पतीचा काही सहभाग होता का, याचा तपास आता पोलीस करत आहेत. तसेच, सुचित्राला भडकवणाऱ्या त्या ज्योतिषाचाही शोध घेतला जात आहे. अंधश्रद्धेपोटी एका सुशिक्षित महिलेने आपल्याच आईचा बळी घेतल्याने परिसरात संताप व्यक्त केला जात आहे.