व्हिडीओ कॉलवर पाहिली हत्या

या गुन्ह्यामागे आजोबांनी मोबाईल वापरण्यावर आणि मुलांशी मैत्री करण्यावर घातलेल्या बंधनांचा राग आणि साडेचार तोळे सोन्याचे दागिने लुटणे हा उद्देश होता. मुलीने यापूर्वी आजोबांवर खोटे आरोप केले होते आणि त्यांना संपवण्यास सांगितले होते. घटनेच्या दिवशी, घरातील इतर महिला रुग्णालयात गेल्यावर, मुलीने आजोबांना आपण मैत्रिणीच्या घरी अभ्यासासाठी जात असल्याचे सांगून घर सोडले. त्यानंतर रात्रीच्या सुमारास आरोपींनी खिडकीतून घरात प्रवेश करून आजोबांना बांधले आणि मारहाण करत त्यांची हत्या केली, तर मुलगी व्हिडिओ कॉलवर हा सर्व प्रकार पाहत होती.

हे ही वाचा : 'आतमध्ये दारुच्या बाटल्या', अल्पवयीन मुलाने बेदरकारपणे कार चालवली, 2 महिलांना चिरडलं

चोरीचा बनाव अन् जबाबात विसंगती

खून केल्यानंतर केवळ चोरीचा बनाव भासवण्यासाठी आरोपींनी घरात मिरचीची पूड पसरवली. घटनेनंतर मुलीने पोलिसांची दिशाभूल करण्यासाठी खोटी माहिती आणि बनावट जबाब दिला, मात्र तिच्या कथनात सतत विसंगती आढळल्याने पोलिसांचा तिच्यावर संशय बळावला. पोलिसांनी मोबाईल कॉल रेकॉर्ड्स आणि सायबर सेलच्या मदतीने तपास चक्रे वेगाने फिरवली आणि मोबाईल टॉवर लोकेशनच्या आधारे अवघ्या 24 तासांत अल्पवयीन आरोपींना ताब्यात घेतले.

हे ही वाचा : मुंबई : सासूने घरगड्यालाच दिली सुनेची सुपारी, क्रूर हत्याकांडाचा कसा झाला उलगडा?

अल्पवयीन आरोपींचं काय होणार?

पोलिसांनी या प्रकरणी चोरीला गेलेला सोन्याचा ऐवज जप्त केला असून, एका सोन्याच्या अंगठीची विक्री करणाऱ्या व्यक्तीचीही ओळख पटवली आहे. या सर्व अल्पवयीन आरोपींना आता बाल न्याय मंडळासमोर (Juvenile Justice Board) सादर केले जाणार आहे.