राष्ट्रीय महामार्गावर ट्रक जळून चालकाचा मृत्यू, पण पोलीस तपासात भयंकर कांड उघडकीस

हेही वाचा : घरात घुसून मुख्याध्यापिकेवर केले 27 वार, 10 वीच्या विद्यार्थ्यांचं कृत्य; धक्कादायक कारण समोर

अधिकची माहिती अशी की, 10 जुलै रोजी NH-730 वर JH02K9750 क्रमांकाच्या ट्रकला आग लागली. मोठी कालवा आणि गुरुद्वारा धन्ना बाबा परिसरात ही घटना घडली. माहिती मिळताच पोलीस आणि अग्निशमन दल घटनास्थळी पोहोचले. त्यांनी आग विझवली. त्यानंतर ट्रकच्या केबिनमध्ये बलविंदर सिंह यांचा मृतदेह सापडला. मृतदेह पूर्णपणे जळालेला होता. बलविंदर सिंह हे ट्रकचे मालकही होते. ते स्वतः ट्रक चालवत होते. त्यांच्या भावाच्या तक्रारीवरून पोलिसांनी अज्ञात व्यक्तीविरोधात हत्येचा गुन्हा दाखल केला.

हेही वाचा : महाराष्ट्रात पावसाचा ब्रेक कायम; पण 'या' जिल्ह्यांना अलर्ट, अनेक भागात सरासरीपेक्षा कमी पाऊस

ट्रकच्या केबिनमध्ये भेटले, नंतर घडलं मोठं कांड

तपास सुरु असताना पोलिसांना 40 वर्षीय अमनदीप कौर उर्फ अमन हिची माहिती मिळाली. पोलिसांच्या म्हणण्यानुसार, अमनदीप आणि बलविंदर यांच्यात गेल्या दोन ते तीन वर्षांपासून प्रेमसंबंध होते. मात्र, अमनदीपला हे संबंध संपवायचे होते. बलविंदर मात्र संबंध सुरू ठेवण्याचा आग्रह करत होते. 10 जुलै रोजी दोघे ट्रकच्या केबिनमध्ये भेटले. याच मुद्द्यावरून त्यांच्यात वाद झाला. पोलिसांच्या दाव्यानुसार, अमनदीपने लोखंडी रॉडने बलविंदर यांच्या डोक्यावर वार केला. त्यानंतर बलविंदर बेशुद्ध झाले. अमनदीपने त्यांच्यावर डिझेल ओतले. त्यानंतर ट्रकच्या केबिनला आग लावल्याचा पोलिसांचा दावा आहे.

आधी रॉडने हल्ला नंतर ट्रक पेटवून दिला

आगीत बलविंदर सिंह यांचा मृत्यू झाला. ही घटना अपघातासारखी दाखवण्याचा प्रयत्न करण्यात आल्याचे पोलिसांनी सांगितले. घटनेनंतर अमनदीप घटनास्थळावरून निघून गेली. पोलिसांनी सीसीटीव्ही आणि इतर तांत्रिक पुरावे तपासले. त्यानंतर अमनदीपला ताब्यात घेण्यात आले. चौकशीत तिने हत्या केल्याची कबुली दिल्याचा पोलिसांचा दावा आहे. पोलिसांनी लोखंडी रॉड आणि डिझेलचा कॅन जप्त केला आहे. अमनदीपविरोधात कायदेशीर प्रक्रिया सुरू आहे. तिला न्यायालयीन कोठडीत पाठवण्याची प्रक्रिया सुरू असल्याचे पोलिसांनी सांगितले. त्यामुळे सुरुवातीला अपघात वाटणाऱ्या या घटनेमागे प्रेमसंबंधातून हत्या झाल्याचा दावा पोलिसांनी केला आहे.