असमोली पोलीस ठाण्याने महक आणि परीच्या वडिलांच्या तक्रारीवरून गुन्हा दाखल करून तपास सुरू केला आहे. महक, परी आणि शेजाऱ्यांमधील हाणामारीची ही घटना काही नवीन नाही. यापूर्वीही या युट्यूबर बहिणी मुरादाबाद जिल्ह्यात एका तरुणाला मारहाण करतानाचा एक व्हिडिओ सोशल मीडियावर व्हायरल झाली होता. महक आणि परीच्या सातत्याने दादागिरीच्या प्रतिमा समोर येत असूनही पोलीस अद्याप त्यांच्यावर कोणतीही ठोस कारवाई करू शकलेले नाहीत.

अश्लील मजकूर प्रसिद्ध केल्याप्रकरणी गुन्हा

वास्तविक, असमोली पोलीस ठाण्याच्या हद्दीतील शाहबाजपुर कला गावातील रहिवासी असलेल्या चर्चित युट्यूबर महक-परीवर सोशल मीडियावर अश्लील मजकूर प्रसारित केल्याच्या आरोपावरून काही महिन्यांपूर्वी पोलिसांनी गुन्हा दाखल करून त्यांना अटक केली होती. त्यानंतर काही दिवसांनी अमरोहा आणि मुरादाबाद जिल्ह्यात महक-परीने मारहाण केल्याचे फोटो आणि व्हिडिओ देखील सोशल मीडियावर व्हायरल झाले होते.

हे ही वाचा : शाळा व्यवस्थापकाचे अश्लील व्हिडिओ आणि लाखो रुपयांची देवाणघेवाण, शिक्षिका आणि प्रियकर विद्यार्थ्याचा कारनामा; नेमकं काय घडलं?

महक, परी आणि शेजाऱ्यांमध्ये हाणामारी

आता पुन्हा असमोली पोलीस ठाण्याच्या हद्दीतील शाहबाजपुर कलां गावात महक-परी आणि शेजाऱ्यांमध्ये जोरदार हाणामारी झाली असून याचा लाईव्ह व्हिडिओ समोर आला आहे. मुलांसोबत खेळताना धाकट्या बहिणीशी वाद सुरू झाला, ज्याचे रूपांतर पुढे दोन्ही गटांतील लाठीकाठ्यांच्या हाणामारीत झाले. यादरम्यान महक-परीचे वडील सरफराज यांच्यासह दोन्ही बाजूंचे चार जण जखमी झाले.

हे ही वाचा : पुणे : प्रियकारासाठी प्रेमात वेडी झालेली आई, पोटच्या मुलाला पाण्यात बुडवून अन् जमिनीवर आपटून मारलं

पोलिस कारवाई करणार का?

घटनेची माहिती मिळताच असमोली पोलीस घटनास्थळी दाखल झाले. पोलिसांनी महक-परीच्या वडिलांच्या तक्रारीवरून गुन्हा दाखल करून तपास सुरू केला आहे आणि दोन्ही बाजूंच्या जखमींना उपचारासाठी रुग्णालयात पाठवले आहे. दोघींच्या दादागिरीची ही काही नवीन गोष्ट नाही. यापूर्वी अमरोहा आणि मुरादाबाद जिल्ह्यातही त्यांच्या मारहाणीचे फोटो व्हायरल झाले आहेत, परंतु पोलीस अद्याप त्यांच्यावर ठोस कारवाई करू शकलेले नाहीत.

असमोली पोलीस ठाण्याचे प्रभारी मोहित चौधरी यांनी सांगितले की, शाहबाजपुर कला गावात वादाची माहिती मिळताच पोलीस पथक घटनास्थळी पोहोचले होते. दोन्ही बाजूंच्या जखमींना उपचारासाठी पाठवण्यात आले आहे. महक-परीच्या वडिलांच्या तक्रारीवरून गुन्हा दाखल करण्यात आला असून व्हायरल व्हिडिओच्या आधारे तपास केला जात आहे.