वडील आणि भावांकडून बेदम मारहाण, अखेर तरुणाचा जगीच मृत्यू अन्... पोलिसांना सांगितली भलतीच कहाणी

मृत तरुणाचे नाव कृष्णा असून तो धनीरामचा मुलगा होता, अशी माहिती आहे. प्रकरणातील 28 वर्षीय पीडित तरुण मजूर म्हणून काम करायचा तसेच त्याला व्यसन देखील होतं. पोलिसांच्या माहितीनुसार, 15 सप्टेंबरच्या रात्री संबंधित कुटुंबियांमध्ये भांडण झालं. आरोपी वडील म्हणजेच धनीराम आणि त्यांची दोन मुलं, सुदामा आणि सूरज यांनी कृष्णावर हल्ला केला. त्यावेळी, रागाच्या भरात त्यांनी पीडित तरुणाला इतकी मारहाण केली, की कृष्णाचा जागीच मृत्यू झाल्याचं सांगितलं जात आहे.

आत्महत्या दाखवण्याचा प्रयत्न... 

हत्येनंतर, तिन्ही आरोपींना हे प्रकरण उघडकीस आल्यानंतर ते पकडले जातील, अशी भिती होती. याच कारणामुळे त्यांनी एक योजना आखली. आरोपींनी कृष्णाचा मृतदेह दोरीला लटकवला आणि त्यांच्या मुलाने आत्महत्या केली असल्याची पोलिसांना माहिती दिली. ही घटना एका सामान्य आत्महत्येप्रमाणे दाखवण्याचा आरोपींनी प्रयत्न केला.

हे ही वाचा: ऑनलाइन पुस्तके विकणं पडलं महागात! क्यूआर कोड स्कॅन केला अन् तब्बल 1.5 लाख... मुंबईतील महिलेसोबत काय घडलं?

शेजाऱ्यांनी आणलं उघडकीस  

पण गुन्हा कितीही हुशारीने लपवण्याचा प्रयत्न केला तरी सत्य अखेर बाहेर येतं. या प्रकरणात नेमकं तेच घडलं. पोलिसांच्या कारवाईची माहिती शेजाऱ्यांना कळताच शेजारील लोकांनी सत्य उघडकीस आणण्याचं धाडस केलं. कृष्णाने आत्महत्या केली नसून त्याची निर्घृण हत्या करण्यात आली असल्याचं त्यांनी पोलिसांनी सांगितलं. तसेच, मृताचे वडील आणि त्याच्या भावाने हा गुन्हा घडवून आणल्याचं त्यांनी सांगितलं.

हे ही वाचा: प्रेयसीचा विनयभंग केल्याचा प्रचंड राग... संतापलेल्या प्रियकराने फिल्मी स्टाइलने घेतला बदला! नेमकं काय घडलं?

पोलिसांचा तपास  

शेजाऱ्यांनी दिलेल्या माहितीच्या आधारे आणि घटनास्थळाची तपासणी केली असता पोलिसांनी हे प्रकरण स्पष्ट झालं. आरोपींनी आत्महत्या असल्याची कहाणी सांगणं, हे केवळ एक नाटक असल्याचं पोलिसांनी कळलं आणि त्यानंतर धनीराम, सुदामा आणि सूरज यांच्याविरुद्ध हत्येचा गुन्हा दाखल करण्यात आला. मृतदेह पोस्टमॉर्टमसाठी पाठवण्यात आला असून त्या रिपोर्ट्सवरून तथ्य उघडकीस येईल. अद्याप कोणत्याही संशयितांना अटक करण्यात आलेली नसून तपास सुरू असल्याची माहिती आहे.