सकाळी शिवनेरीवर दर्शन घेतले दुपारी राजा शिवाजीचे पोस्टर लाँच केले, रितेश देशमुखचा नवा चित्रपट कधी येतोय?

हे ही वाचा : क्रीडा विश्वावर शोककळा, सामना सुरु असतानाच अंपायरचा दुर्दैवी अंत, अनेक खेळाडू जखमी

पोस्टरमध्ये नेमकं काय? 

नुकत्याच लाँच करण्यात आलेल्या या पोस्टर्समध्ये अभिनेता-दिग्दर्शक रितेश देशमुख हे छत्रपती शिवाजी महाराज यांच्या भूमिकेत प्रभावशाली दिसत आहेत. त्यांच्या हातात फडकणारा भगवा ध्वज, चेहऱ्यावरील करारी भाव आणि युद्धाच्या पार्श्वभूमीवरील उभे असलेले त्यांचे व्यक्तिमत्व शौर्याची प्रचिती देणारं आहे. पोस्टरमधील सुवर्ण अक्षरातील चित्रपटाचे नाव आणि प्रकाशयोजना या ऐतिहासिक गाथेच्या भव्यतेची साक्ष देते. 

मराठीसह हिंदी कलाकारांचा समावेश 

या चित्रपटातील भव्य दिव्य ऐतिहासिक अॅक्शन ड्रामा, महाराजांचे शौर्य, त्याग आणि दूरदृष्टीला मनःपूर्वक वंदन करणारी सिनेमॅटिक कलाकृती आहे. अंगावर काटा आणणारे चित्रण या चित्रपटात दर्शवण्याचा प्रयत्न केला आहे. या चित्रपटात मराठी आणि हिंदी चित्रपटातील दिग्गज कलाकारांनी देखील काम केले आहे. या चित्रपटात अजय-अतुल यांच्या संगीताची जादू अनुभवायला मिळणार आहे. प्रसिद्ध छायाचित्रकार संतोष सिवन हे मराठी चित्रपटसृष्टीत पदार्पण करत आहेत. 

हे ही वाचा : अत्याचार प्रकरणातील पीडितेच्या मुलीला आईची जात अन् आडनाव लावण्यास परवानगी, मुंबई उच्च न्यायालयाचा मोठा निर्णय

चित्रपटाच्या निर्मात्यांची नावे आली समोर

या चित्रपटाच्या निर्मात्या ज्योती देशपांडे आणि जिनिलिया देशमुख आहेत. तसेच याचे दिग्दर्शन रितेश देशमुख यांनी केले आहे. महाराजांची गाथा ही एका आंतरराष्ट्रीय पातळीवर विस्तारित होण्यासाठी हा मोठा प्रयत्न असेल.