हेही वाचा : Sunil Tatkare यांच्या प्रश्नाने छगन भुजबळ का संतापले? NCP च्या बंद दाराआडच्या बैठकीची इनसाईड स्टोरी

महायुतीतील कोणता पक्ष किती जागा लढवणार?

भाजप -  11 जागा लढणार 
शिवसेना -  4 जागा लढणार 
राष्ट्रवादी काँग्रेस -   2 जागा लढणार 

हेही वाचा : समजून घ्या: युतीचा इतिहास आणि 'ती' भळभळीत जखम, शिंदेंना का करावी लागते दिल्लीवारी?

जागावाटपासाठी रणनीती आणि समझोता

जागावाटपाचा हा तिढा सोडवण्यासाठी शिवसेना आणि राष्ट्रवादी काँग्रेसने एका धोरणात्मक समझोत्याचा मार्ग स्वीकारला आहे. या अंतर्गत रायगड-रत्नागिरी-सिंधुदुर्ग स्थानिक स्वराज्य संस्था मतदारसंघाची जागा राष्ट्रवादी काँग्रेसला मिळण्याची दाट शक्यता आहे. या जागेसाठी खासदार सुनील तटकरे यांचे सुपुत्र अनिकेत तटकरे यांना उमेदवारी मिळण्याची चिन्हे आहेत. या बदल्यात, रायगडचे पालकमंत्रीपद भरत गोगावले यांच्याकडे सोपवण्याचा निर्णय घेण्यात आला आहे. हा समझोता महायुतीमधील अंतर्गत मतभेद मिटवण्यासाठी महत्त्वाचा मानला जात आहे.

अंतिम निर्णयासाठी नेत्यांची उच्चस्तरीय बैठक

जागावाटपाचा अंतिम निर्णय अद्याप औपचारिकपणे जाहीर झालेला नसला, तरी लवकरच महायुतीचे शीर्ष नेतृत्व यावर शिक्कामोर्तब करणार आहे. मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि सुनेत्रा पवार यांच्यात लवकरच एक बैठक होणार असून, त्यामध्ये या जागावाटपाच्या अंतिम आराखड्यावर चर्चा होऊन शिक्कामोर्तब केले जाईल. सध्याच्या चर्चेनुसार, शिवसेनेने ठाणे, नाशिक, यवतमाळ आणि परभणी या जागा आपल्याकडे खेचल्या आहेत, तर राष्ट्रवादी काँग्रेस रायगड-रत्नागिरी-सिंधुदुर्ग आणि अहिल्यानगर या जागा लढवणार आहे. उर्वरित 11 जागा भाजपच्या वाट्याला येणार असून, त्यामध्ये पुणे, छत्रपती संभाजीनगर-जालना, नागपूर, वर्धा-चंद्रपूर-गडचिरोली, सातारा-सांगली, जळगाव, नांदेड, भंडारा-गोंदिया, अमरावती आणि लातूर-धाराशिव-बीड, सोलापूर या मतदारसंघांचा समावेश असेल.