Adipurush: …तरीही ‘आदिपुरुष’ने पहिल्याच दिवशी कमावले 150 कोटी, हे कसं घडलं?

Adipurush Box office Collection Day 1 : बहुप्रतिक्षित आदिपुरुष (Adipurush) हा बिग बजेट सिनेमा शुक्रवारी 16 जूनला सिनेमागृहात प्रदर्शित झाला आहे. हिंदी, तेलुगू, तामिळ, कन्नड आणि मल्याळम अशा पाच भाषांमध्ये तब्बल 6.200 स्क्रिनवर रिलीज झाला. फक्त हिंदीतच हा सिनेमा 4000 स्क्रिनवर प्रदर्शित झाला. त्यामुळे या सिनेमाने पहिल्याच दिवशी बक्कळ कमाई केली असेल असा अंदाज वर्तवला जात आहे. (adipurush box office day 1 collection reaches 150 crore worldwide prabhas saif ali khan)

आदिपुरूष (Adipurush) हा सिनेमा सुरुवातीपासूनच वादात होता. सिनेमात रावणाच्या दाखवलेल्या लुकमुळे सोशल मीडियावर ट्रोल करण्यात आले होते. या ट्रोलिंगनंतर सिनेमात बदल करण्यात आला होता. हा बदल थेट ट्रेलरमध्ये न दाखवता सिनेमात दाखवण्यात आला होता,त्यामुळे रावणाचा हा बदलेला लुक चाहत्यांना आवडेल अशी अपेक्षा होती. मात्र तरी देखील रावणाच्या लुकवरून ट्रोल करण्यात आले होते. दरम्यान या सिनेमाबद्दल बोलायचं झालं तर अनेक प्रेक्षकांच्या अपेक्षाभंग झाल्या आहेत. अशा अनेक चित्रपट प्रेमींच्या प्रतिक्रिया आहेत. या सिनेमातील डायलॉग आणि व्हिएफएक्स, पात्रांचे कपडे आणि रावणाचा अवतार यावरून देखील टीका होतेय. तरी देखील काही चित्रपटप्रेमींना हा सिनेमा आवडला आहे.

दिग्दर्शक ओम राऊत यांच्याकडे स्वप्नवत कलाकार आणि प्रचंड बजेट होते, पण आदिपुरूष सिनेमाने महाकाय निराशा केली आहे, असे ट्विट प्रसिद्द समीक्षक तरण आदर्श यांनी केली आहे. या सिनेमाला त्यांनी वन अॅड हाफ स्टार दिला आहे.

हे ही वाचा : रणबीर कपूरने अ‍ॅनिमलसाठी घेतले ”इतके” कोटी, कमाईत अनिल कपूरलाही टाकले मागे

आदिपुरूष सिनेमाची स्टारकास्ट पाहिली तर, प्रभास (prabhas), कृति सेनन, सैफ अली खान (Saif ali khan) आणि सनी सिंह यांसारखे अभिनेते बॉक्स ऑफीसवर मोठ्या ओपनिंगसाठी ओळखले जातात. यासोबत प्रभास मुख्य भुमिकेत असल्याने त्याची पॅन इंडिया फॅन फॉलोईंग सिनेमाला मिळते. तसेच प्रभासला तेलुगू इंडस्ट्रीत ही खुप चांगला प्रतिसाद मिळतो. त्यामुळे आदिपुरूषच्या ओपनिंग कलेक्शनमध्ये हिंदी पेक्षा तेलुगू वर्जनमधून जास्त कमाई होईल अशी अपेक्षा आहे.

मीडिया रिपोर्टनुसार, आदिपुरुष सिनेमाच्या हिंदी वर्जनसाठी 13 करोडहून अधिक अॅ़डवांस ग्रॉस कलेक्शन मिळालं होते. तर तेलुगू वर्जनमधून देखील 12 करोडहून अधिक ग्रॉस कलेक्शन मिळालं आहे. त्यामुळे आदिपुरुषने अ़ड़वांस बुकींगमध्ये आधीच 30 करोड रूपये ग्रॉस कलेक्शन पार केले होते. त्यामुळे हा सिनेमा 75 ते 80 करोड रूपयांपर्यत कलेक्शन करेल अशी अपेक्षा व्यक्त केली जात होती.

मीडिय़ा रिपोर्टनुसार, आदिपुरूषने पहिल्या दिवशी 87 ते 90 कोटी रुपयांचे बॉक्स ऑफिस कलेक्शन केले आहे. तसेच विदेशात 2200 स्क्रिनवर रिलीज झालेल्या आदिपुरुषने पहिल्या दिवशी चांगली सुरुवात केली आहे. त्यामुळे परदेशातील एकूण कलेक्शन पाहता ते 35 ते 40 कोटी रुपये असू शकते. म्हणजेच, भारत आणि विदेशातील अंतिम आकडेवारी पाहता ‘आदिपुरुष’चे एकूण जगभरातील कलेक्शन 150 कोटी रुपयांच्या अगदी जवळ पोहोचू शकते, असा अंदाज आहे.