Patna रेल्वे स्टेशनवर पॉर्न व्हिडिओ, अडल्ट अभिनेत्रीने का शेअर केला स्वत:चा फोटो?

Patna Railway Station Viral Video: बिहारच्या पाटणा रेल्वे स्थानकावर रविवारी टीव्ही स्क्रीनवर अचानक एक अडल्ट फिल्म सुरू झाली. यानंतर प्रवाशांमध्ये एकच गोंधळ उडाला. ज्यानंतर ही घटना सोशल मीडियावर प्रचंड व्हायरल झाली. मात्र, आता याच प्रकरणी एका प्रसिद्ध पॉर्न स्टारने एक मजेशीर ट्विट केले आहे. तिने आपल्या ट्विटमध्ये म्हटलं आहे की, ही व्हिडीओ क्लिप माझीच आहे.

पॉर्न स्टार केंद्रा लस्टने (Kendra Lust) मंगळवारी तिचा फोटो ट्विट केला आणि त्यासोबत ‘बिहार रेल्वे स्टेशन’ #BiharRailwayStation असा हॅशटॅग वापरला. याशिवाय तिने या ट्विटमध्ये कशाचाही उल्लेख केलेला नाही.

यानंतर सर्व यूजर्स रिप्लाय सेक्शनमध्ये ट्विट करू लागले. काही यूजर्सने विचारले की ती क्लिप तुझी आहे का? केंद्रा लस्टने यावर लिहिलं की, ‘मला आशा आहे की तेच असावं… LOL’ केंद्राचे हे ट्विट व्हायरल होत आहे. आतापर्यंत 6 लाखांहून अधिक लोकांनी ते ट्विट पाहिलं आहे.

केंद्रा ही सोशल मीडियावर खूप लोकप्रिय आहे. ट्विटरवर तिचे 1.5 दशलक्षाहून अधिक फॉलोअर्स आहेत. त्याचवेळी इंस्टाग्रामवर 85 लाखांहून अधिक लोक तिला फॉलो करतात.

पॉर्न स्टारला ‘या’ असाध्य रोगाने गाठलं, अवस्था अत्यंत बिकट

‘तू सर्वात सुंदर स्त्री आहेस…’

काही यूजर्सने केंद्राच्या ट्विटवर रिप्लाय देताना म्हटलं की, केंद्रा ही जगातील सर्वात सुंदर महिला असल्याचं म्हटलं आहे. केंद्रानेही अनेक यूजर्संना स्मायली देत उत्तर दिलं आहे. त्याचवेळी अनेक यूजर्संनी तिच्या ट्विटवर मजेशीर प्रतिक्रियाही दिल्या आहेत.

दुसरीकडे, या घटनेवर एका यूजरने लिहिलं – ‘आज पाटणा जंक्शनवर जे काही घडलं त्यावर बिहारचे लोक स्वतःच मीम्स बनवत आहेत, किती लाजिरवाणी गोष्ट आहे.’

पहिल्यांदा सेक्स ते पॉर्न बघण्याची सवय… आलिया कश्यपने फॉलोअर्संना काय दिला सल्ला?

यूजरच्या या ट्विटवर ‘रेल्वे सेवा’च्या अधिकृत ट्विटर अकाऊंटवरूनही रिप्लाय आला आहे. रेल्वे सेवेने आपल्या ट्विटमध्ये लिहिले – ‘पाटणा जंक्शनवरील घटनेची दखल घेत, पूर्व मध्य रेल्वेने त्वरित कारवाई करत संबंधित एजन्सीविरुद्ध 2 एफआयआर नोंदवले आहेत. यासोबतच या एजन्सीला काळ्या यादीत टाकण्यात आले आहे.’

पाटणा रेल्वे जंक्शनवर काय घडलं?

19 मार्च रोजी पाटणा रेल्वे स्थानकावर अचानक एक अडल्ट फिल्म टेलिव्हिजन स्क्रीनवर सुरू झाली. हे पाहून तेथे उपस्थित प्रवाशांना धक्काच बसला. ही अडल्ट फिल्म अचानक डझनभर टेलिव्हिजन स्क्रीनवर सुमारे 3 मिनिटं चालू होती. यानंतर प्रवाशांनी या प्रकरणाची माहिती जीआरपी आणि आरपीएफला दिली.

यानंतर टेलिव्हिजनवर जाहिरात चालवणाऱ्या एजन्सीशी संपर्क साधण्यात आला आणि चित्रपटाचे प्रसारण थांबवण्यात आले. ही गंभीर बाब समोर आल्यानंतर दत्ता कम्युनिकेशन या जबाबदार एजन्सीविरुद्ध एफआयआर दाखल करण्यात आला. या एजन्सीला रेल्वेने काळ्या यादीत टाकले आहे.

Crime: दारु, पॉर्न Video अन् 32 वर्षीय महिलेने अल्पवयीन मुलासोबत नको ते केलं!