Shahrukh Khan’s son Aryan Bail: आर्यन खानची आजची रात्रही तुरुंगात, कोर्टात नेमकं काय घडलं?

आर्यन खानच्या जामीन अर्जाचं प्रकरण आता हायकोर्टात पोहचलं आहे. यावेळी आर्यनची बाजी माजी अटॉर्नी जनरल ऑफ इंडिया मुकूल रोहतगी हे लढवत आहेत. आज झालेली सुनावणी पूर्ण न झाल्याने आता ही सुनावणी उद्या देखील सुरु राहणार आहे.

दरम्यान, आज कोर्टात आर्यनच्या वकिलांनी जोरदारपणे त्याची बाजू मांडली. तर दुसरीकडे एनसीबीने आर्यन खानच्या जामीन अर्जाला मात्र, प्रचंड विरोध केला. यावेळी मुकूल रोहतगी यांनी आर्यन खानच्या अटकेबाबत काही सवालही विचारले आहेत.

आर्यन खानच्या जामीन अर्जावर आता बुधवारी दुपारी 2.30 वाजता पुन्हा सुनावणी होणार आहे. दरम्यान, आता अशी आशा व्यक्त केली जात आहे की, आर्यनच्या जामीन अर्जावर कोर्ट उद्या आपला निर्णय देऊ शकतं.

प्रभाकरला नवाब मलिकांनी एक फ्लॅट आणि पैसे दिले, किरण गोसावीचा आरोप

आर्यनचे वकील मुकूल रोहतगींनी कोर्टात नेमकं काय-काय म्हटलं?

आर्यन पार्टीमध्ये फक्त ‘गेस्ट’ होता

आर्यनचे वकील मुकुल रोहतगी यांनी कोर्टात युक्तीवाद करताना असं म्हटलं आहे की, आर्यन हा कोव्हिड काळात भारतात परतला आहे. तो कॅलिफोर्नियामध्ये शिकतो आहे. आर्यन खान हा काही क्रूझवर प्रवासी म्हणून नव्हता तर तो एक स्पेशल गेस्ट होता. प्रदीप गाबा याने ही पार्टी आयोजित केली होती. प्रदीप गाबा हा इव्हेंट मॅनेजर होता. त्यानेच आर्यन आणि अरबाज यांना पार्टीसाठी बोलावलं होतं. आर्यन आणि अरबाज यांच्याकडे क्रूझ पार्टीचं तिकीट देखील नव्हतं. पंचनाम्यात फोन जप्त केल्याची कोणतीही माहिती देण्यात आलेली नाही.

‘आर्यनच्या ड्रग्स चॅटचा या खटल्याशी काहीही संबंध नाही’

आर्यन हा 4.30 वाजता क्रूझ टर्मिनलवर पोहचला होता. एनसीबीने याआधी क्रूझवर ड्रग्स पार्टी होणार असल्याची माहिती आधीच होती. त्यांनी आर्यन, अरबाजसह अनेकांना ताब्यात घेतलं होतं. आर्यनकडे कोणतेही ड्रग्स सापडले नव्हते. तर त्याचा मित्र अरबाज मर्चंटच्या बुटातून 6 ग्राम ड्रग्स सापडलं होतं. एवढ्या कमी प्रमाणात मिळालेल्या ड्रग्ससाठी आपण त्यांना तुरुंगात पाठवू शकत नाही. आर्यनने ड्रग्स घेतलेलं आहे की नाही यासाठीही त्याची कोणतीच वैद्यकीय चाचणी झालेली नाही. त्यामुळे माझ्या अशीलाला अटक करण्याचा त्यांना कोणताही अधिकार नाही. त्यांच्या अटकेला काहीच अर्थ नाही. आपण पुराव्यांशिवाय कोणालाही 20 दिवस तुरुंगात ठेवू शकत नाही.