National Herald case : सोनिया गांधी यांची ईडीकडून सुमारे तीन तास चौकशी

सोनिया गांधी यांची ईडीकडून सुमारे तीन तास चौकशी करण्यात आली. नॅशनल हेराल्ड प्रकरणात ही चौकशी करण्यात आली. सोमवारी सोनिया गांधी यांना पुन्हा चौकशीला बोलावलं जाण्याची शक्यता आहे. सोनिया गांधी यांच्या चौकशीनंतर नेते जयराम रमेश म्हणाले म्हणाले की सोनिया गांधी या चौकसीसाठी ईडीसमोर उपस्थित होत्या. तुम्हाला जे विचारायचे ते तुम्ही विचारू शकता मी ८ वाजेपर्यंत बसण्यास तयार आहे. तसेच मी उद्या देखील येण्यास तयार आहे असं सोनिया गांधी म्हणाल्या. मात्र ईडीकडे कोणतेही प्रश्न नव्हते.

सोनिया गांधी आणि राहुल गांधी यांच्या मागे का लागली ED? National Herald Case

सोनिया गांधी जून महिन्यात कोरोना झाल्याने चौकशीसाठी गेल्या नव्हत्या

काँग्रेस नेत्या सोनिया गांधी यांना जून महिन्यात चौकशीसाठी बोलवण्यात आलं होतं. मात्र सोनिया गांधी यांना कोरोना झाला होता त्यामुळे त्या येऊ शकल्या नव्हत्या. सोनिया गांधी या आज चौकशीसाठी हजर झाल्या आहेत. दुसरीकडे सोनिया गांधी चौकशीसाठी बोलवण्यात आल्याने काँग्रेस आक्रमक झालेली पाहण्यास मिळाली. ईडीच्या सूत्रांनी दिलेल्या माहितीनुसार सोनिया गांधी यांची तीन टप्प्यात चौकशी केली जाणार आहे.

सोनिया गांधी या चौकशीला आज हजर राहिल्या. त्यांनी मास्क लावले होते. राहुल गांधी आणि प्रियंका गांधी त्यांच्याबरोबर होते. प्रियंका गांधी यांना ईडीच्या मुख्यालयात थांबण्यास परवानगी दिली. कारण सोनिया गांधी यांना वेळेवर औषधे देता येतील. प्रियंका गांधी यांना सोनिया गांधी यांच्या खोलीपासून दूर ठेवण्यात आलं होतं.

नॅशनल हेराल्ड प्रकरण : नेहरूंच्या वर्तमानपत्रामुळे सोनिया गांधी आणि राहुल गांधी कसे अडकले?

नॅशनल हेराल्डचं प्रकरण नेमकं आहे तरी काय?

मार्च २००८ पर्यंत हे वृत्तपत्र सुरूवातीला देशातील स्वातंत्र्य लढ्याशी आणि त्यानंतर काँग्रेसशी संलग्न होते. १ एप्रिल २००८ मध्ये वृत्तपत्र बंद ठेवण्यात येत असल्याचं जाहीर करण्यात आलं. हे वृत्तपत्र बंद करण्याच्या आधी असोसिएटेड जर्नल्स लिमिटेड (AJL) कडून चालवलं जात होतं.

२००८ मध्ये तात्पुरत्या स्वरूपात बंद करण्यात आलेलं नॅशनल हेरॉल्ड वृत्तपत्र कायमचं बंद करण्याचा निर्णय सोनिया गांधी यांनी २००९ मध्ये घेतला.

पुढे भाजपचे नेते सुब्रह्मण्यम स्वामी यांनी काँग्रेस अध्यक्षा सोनिया गांधी, राहुल गांधी आणि त्यांच्या कंपन्यातील अन्य अधिकाऱ्यांच्या विरोधात न्यायालयात खटला दाखल केला. गांधी कुटुंबीयांकडून नॅशनल हेराल्डच्या (National Herald) संपत्तीत गैरव्यवहार करण्यात आल्याचा आरोप करण्यात आलेला आहे.

१९३८ मध्ये काँग्रेस पक्षाने असोसिएट जर्नल्स लिमिटेड म्हणजेच AJL ची स्थापना केली होती. या अंतर्गत नॅशनल हेराल्ड हे वृत्तपत्र काढण्यात आले. AJL वर ९० कोटींहून अधिक कर्ज होते. हे कर्ज फेडण्यासाठी आणखी एका कंपनीची स्थापना करण्यात आली. या कंपनीचं नाव होतं यंग इंडिया लिमिटेड (Young India Limited).

या कंपनीमध्ये राहुल गांधी आणि सोनिया गांधी यांची ३८-३८ टक्के भागीदारी होती. एजेएलचे ९ कोटी शेअर्स यंग इंडियाला देण्यात आले होते. या बदल्यात यंग इंडिया एजेएलचे याचं देणं लागणार होता. या प्रकरणात देशातील मोक्याच्या जागा कंपनीला अतिशय कमी किमतींमध्ये देण्यात आल्या, असे आरोप आहेत.

मुंबई, दिल्ली या शहरांमधील मोक्याच्या ठिकाणी या जागा होत्या. त्यांचं भाडे AJL कंपनीला मिळत होतं. शिवाय जागांचं एकूण मूल्य २ हजार कोटींच्या घरात असू शकते, असा आरोप आहे. ज्या कंपनीकडे कोणताही व्यवसाय नाही, अशी कंपनी ५० लाखांच्या मोबदल्यात २ हजार कोटींची मालक बनल्याचा आक्षेप घेण्यात आलेला आहे.