'मोदीजी तुमच्या हरकती पाहून असं वाटतंय आता गोष्ट तुमच्या राजीनाम्यापर्यंत...', दिपकेचा नवा Video

"तुम्ही धर्मेंद्र प्रधानांचा राजीनामा घ्या नाहीतर, गोष्ट तुमच्या राजीनाम्यापर्यंतही येईल जशा तुमच्या हरकती आहेत ते पाहता गोष्ट तुमच्या राजीनाम्यापर्यंत येईलच.. एवढं तर मी तुम्हाला सांगतो की, ही गोष्ट येणारच..  एक अकार्यक्षम आणि अयशस्वी मंत्री या देशातील लाखो विद्यार्थ्यांपेक्षा मोठा असू शकत नाही. जर सरकार लाखो विद्यार्थ्यांपेक्षा एका अकार्यक्षम मंत्र्याला जास्त महत्त्व देत असेल, तर लक्षात ठेवा की भारतातील कोणताही विद्यार्थी किंवा तरुण तुम्हाला निवडणुकीत मत देणार नाही."

त्यांनी असा आरोप केला की, सरकार विद्यार्थ्यांच्या मागण्या गांभीर्याने घेत नाही आणि शिक्षण व्यवस्थेशी संबंधित मुद्द्यांवर जबाबदारी निश्चित केली पाहिजे.

शुक्रवारी देशव्यापी आंदोलनाचे आवाहन

सीजेपीने उद्याच्या (शुक्रवार, 24 जुलै) आंदोलनाची माहिती एका डिजिटल पत्रकाद्वारे दिली आहे. हे पत्रक सोशल मीडियावर मोठ्या प्रमाणावर प्रसारित केले जात आहे. सीजेपीने जनतेला मोठ्या संख्येने एकत्र येऊन शांततापूर्ण आंदोलन करण्याचे आणि एकता दर्शवण्याचे आवाहन केले आहे. देशभरातील पोलीस कारवाईच्या पीडितांप्रति एकता व्यक्त करण्यासाठी हे आंदोलन केले जाईल, असे सांगून संघटनेने प्रत्येक जिल्ह्यात एक दिवसीय शांततापूर्ण आंदोलनाचे आवाहन केले आहे.

हे ही वाचा>> शरद पवारांचे तीन डाव आणि तिरकं राजकारण, गुंगावून टाकणारी अडीच घरांची दुडकी चाल!

पोस्टरवर 'Every District, One Day, One Demand'असा संदेश आहे. हे आंदोलन शुक्रवार, 24 जुलै रोजी होणार असून, विद्यार्थी संघटना आणि इतर सामाजिक संघटनांना समन्वय साधून स्थानिक परवानग्या मिळवण्यास आणि आवश्यक व्यवस्था करण्यास सांगितले आहे.

सीजेपीने जमलेल्या लोकांना विद्यार्थ्यांच्या मागण्या जाहीरपणे वाचून दाखवण्याचे आणि पोलीस कारवाईला सामोरे गेलेल्यांप्रति एकता दर्शवण्याचे आवाहन केले आहे.

हे ही वाचा>> मुंबईत पोलिसांच्या व्हॅनमध्ये विद्यार्थी, तरूणानं बाहेरून कडी खोलली; Video व्हायरल

संघटनेने म्हटले आहे की, आंदोलनाशी संबंधित प्रमाणित कार्यपद्धती (SOP), संबंधित साहित्य आणि एक निवेदन त्यांच्या वेबसाइटवर उपलब्ध करून देण्यात आले आहे. पोस्टरच्या शेवटी 'इन्किलाब जिंदाबाद' आणि 'भारत माता की जय' यांसारख्या घोषणा देऊन देशभरातील लोकांना शांततापूर्ण आंदोलनात सामील होण्याचे आवाहन करण्यात आले आहे.