छावा संघटनेच्या कार्यकर्त्यांना मारहाण करणारे सूरज चव्हाण राष्ट्रवादीच्या प्रवक्तेपदी, रुपाली ठोंबरे अन् मिटकरींनी मोठा धक्का

हेही वाचा : अजून मिळाली का नाही माझी पत्नी? सातत्याने पोलिसांना विचारणा केल्यानं दृश्यम स्टाईल कांड समोर आलं, पुण्यात खळबळ

रुपाली ठोंबरे पाटील यांना काही दिवसांपूर्वीच पक्षाने नोटीस बजावली होती. आपणास राष्ट्रवादी काँग्रेस पक्षाच्या प्रदेश प्रवक्ते पदाची जबाबदारी दिली असताना आपण राज्य महिला आयोगाच्या अध्यक्ष व पक्षाच्या महिलाध्यक्षा यांच्याबाबत प्रसारमाध्यमांमध्ये केलेले वक्तव्य हे पक्षशिस्त भंग करणारे आहे. म्हणून आपल्या विरुद्ध शिस्तभंगाची कारवाई का करण्यात येऊ नये? याचा खुलासा प्रदेश कार्यालयाकडे 7 दिवसांच्या आत करावा अन्यथा आपल्या विरुद्ध योग्य ती पुढील कार्यवाही करण्यात येईल याची कृपया नोंद घ्यावी, अशी नोटीस त्यांना बजावण्यात आली होती. मात्र, आता त्यांची प्रवक्तेपदावरुनही हकालपट्टी करण्यात आली आहे. शिवाय विधानपरिषदेचे आमदार अमोल मिटकरी यांना देखील प्रवक्तेपदावरुन हटवण्यात आले आहे.

राष्ट्रवादीने खालील 17 जणांना प्रवक्तेपदासाठी संधी दिली आहे...

रुपाली चाकणकर

ब्रिजमोहन श्रीवास्तव

चेतन तुपे

आनंद परांजपे

अविनाश आदिक

सना मलिक

राजलक्ष्मी भोसले

सुरज चव्हाण

हेमलता पाटील

प्रतिभा शिंदे

विकास पासलकर

राजीव साबळे

प्रशांत पवार

श्याम सनेर

सायली दळवी

शशिकांत तरंगे

स्थानिक स्वराज्य संस्थांच्या निवडणुकीच्या अनुषंगाने राष्ट्रवादी काँग्रेस पक्ष कामाला लागलाय. अजित पवारांनी जिथे फायदा होईल, तिथे मित्र पक्षांसोबत युती करण्याचे संकेत दिले आहेत. स्थानिक स्वराज्य संस्थांच्या निवडणुका कार्यकर्त्यांच्या असल्याचं अनेकदा वरिष्ठ नेतेमंडळींकडून बोललं जातं. त्यामुळे महायुती असो किंवा महाविकास आघाडी तिन्ही पक्षांची युती कोणत्या तालुक्यात टिकणार? याकडे पाहाणे देखील औत्सुक्याचे ठरणार आहे.

इतर महत्त्वाच्या बातम्या 

गावातील तरुणाशी अनैतिक संबंध, संतापलेल्या पतीने पत्नीला पेट्रोल टाकून जिवंत जाळलं, वर्ध्यातील घटना