CJP Protest LIVE : ज्ञानेश कुमारांविरोधात मीम्स, शिवाजी पार्कात आंदोलक जमण्यास सुरुवात

सध्या शिवाजी पार्क परिसरात जमलेले आंदोलक ज्ञानेश कुमार यांच्याविरोधात जोरदार घोषणाबाजी करत आहेत. आंदोलनाच्या ठिकाणी ज्ञानेश कुमार यांच्याविरोधात तयार करण्यात आलेले अनेक मीम्सही झळकले आहेत. मोठ्या बॅनर्सच्या माध्यमातून आंदोलकांकडून आपला विरोध व्यक्त केला जात आहे.

‘सेव्ह डेमॉक्रसी’, ‘गद्दार ज्ञानेश मस्ट गो’ अशा आशयाचे मोठे बॅनर आंदोलनस्थळी लावण्यात आले आहेत. या बॅनर्समधून ज्ञानेश कुमार यांच्याविरोधात आंदोलकांनी भूमिका मांडली आहे. आंदोलन सुरू होण्यापूर्वीच शिवाजी पार्कात या घोषणाबाजी आणि बॅनर्समुळे वातावरण आंदोलनमय झाल्याचे पाहायला मिळत आहे.

सीजेपीच्या या आंदोलनाला दुपारी 4 वाजता सुरुवात होणार आहे. त्यापूर्वीच आंदोलकांची गर्दी होण्यास सुरुवात झाली असून, घोषणाबाजी आणि मीम्सच्या माध्यमातून ज्ञानेश कुमार यांच्याविरोधात निषेध व्यक्त केला जात आहे. आंदोलनाच्या ठिकाणी लावण्यात आलेले बॅनर आणि मीम्स सध्या लक्ष वेधून घेत आहेत.