"पहलगाम हल्ल्यातील मृतांच्या कुटुंबाला 50 लाख आणि..." मुख्यमंत्री फडणवीस यांची मोठी घोषणा

हे ही वाचा >> लेकानं स्वत:ला संपवलं, आईला पाहावलं नाही म्हणून तिनंही विष प्राशन केलं... बीड जिल्हा हळहळला, प्रकरण काय?

मृतांच्या कुटुंबीयांना 50 लाखांची मदत 

मुख्यमंत्री फडणवीस यांनी विशेष घोषणा करताना सांगितलं की, पहलगाम हल्ल्यातील महाराष्ट्रातील मृतांच्या कुटुंबाला 50 लाख रुपयांची आर्थिक मदत दिली जाईल. तसंच, या कुटुंबांच्या मुलांच्या शिक्षणासाठी आणि रोजगारासाठी राज्य सरकार विशेष प्रयत्न करेल. याच अनुषंगाने, जगदाले कुटुंबातील एका मुलीला सरकारी नोकरी देण्याचा प्रस्ताव मागील चर्चेत ठरला होता. मात्र, आता मुख्यमंत्री विशेषाधिकाराचा वापर करत जगदाले कुटुंबातील मुलीला तात्काळ सरकारी नोकरी देण्याचा निर्णय फडणवीस यांनी मंत्रिमंडळ बैठकीत जाहीर केला.

या हल्ल्यात महाराष्ट्रातील सहा नागरिकांनी आपले प्राण गमावले होते. यापूर्वी 23 एप्रिल रोजी मुख्यमंत्री फडणवीस यांनी या कुटुंबांना प्रत्येकी 5 लाख रुपयांची तात्काळ मदत जाहीर केली होती. तसेच, काश्मीरमध्ये अडकलेल्या महाराष्ट्रातील पर्यटकांना सुरक्षितपणे परत आणण्यासाठी विशेष व्यवस्था करण्यात आली होती.

हे ही वाचा >> आईस्क्रीम खाताना कॅफे मालकावर हल्ला, धडाधड गोळ्या घालून संपवलं, तपासातून उघड झालं धक्कादायक प्रकरण

मंत्रिमंडळ बैठकीत या हल्ल्याचा तीव्र निषेध करण्यात आला. मुख्यमंत्री फडणवीस यांनी सांगितले की, “हा दहशतवादी हल्ला मानवतेवर घाला घालणारा आहे. शहीदांच्या कुटुंबांना सर्वतोपरी मदत करणे हे आमचे कर्तव्य आहे. त्यांच्या मुलांचे भविष्य सुरक्षित करण्यासाठी आम्ही कटिबद्ध आहोत.”