भाजप कार्यकर्त्यांचा विनोद नाही

आपल्या भाषणात त्यांनी संसदेतील वातावरणावर बोट ठेवले. "केंद्रीय शिक्षण मंत्र्यांचे सभापतींशी भांडणे आणि 5 मिनिटांची मागणी करण्याचे वर्तन मी माझ्या 20 वर्षांच्या संसदीय कारकीर्दीत कधीही पाहिले नाही. शिक्षण मंत्री हे देशाचे नेतृत्व करतात आणि त्यांनी पदाची प्रतिष्ठा राखली पाहिजे. हा भाजपच्या कार्यकर्त्यांचा कोणताही विनोद नाही, तर देशातील 21 निष्पाप मुलांच्या आत्महत्येशी जोडलेला अत्यंत संवेदनशील विषय आहे," अशा शब्दांत त्यांनी आपला संताप व्यक्त केला. जंतरमंतर येथे आंदोलन करणाऱ्या विद्यार्थ्यांवर आणि त्यांच्या पालकांवर कोसळलेल्या संकटाचा उल्लेख करत त्यांनी सरकारला केवळ विनोदांमध्ये न अडकता गंभीर होण्याची विनंती केली.

हे ही वाचा : पार्थ पवार आणि कायनात दारा यांचा साखरपुडा संपन्न, पुण्यातील समारंभाला दिग्गजांची उपस्थिती

खासगी क्लासेसचा बाजार

NEET परीक्षेतील अनियमितता आणि 2024 च्या कायद्याबाबत बोलताना त्यांनी सरकारी दस्तऐवज, विधेयकातील त्रुटी आणि संसदीय समित्यांच्या अहवालांचा दाखला दिला. सरकारकडे कोणतीही ठोस यंत्रणा नसल्याचा आरोप करत त्या म्हणाल्या की, NTA (नॅशनल टेस्टिंग एजन्सी) कडे प्रश्नपत्रिका तयार करणाऱ्या तज्ज्ञांची कमतरता आहे. खासगी कोचिंग क्लासेसच्या वाढत्या बाजारावर आणि त्यांच्याकडून वसूल केल्या जाणाऱ्या भरमसाठ फीवर सरकारने काय नियम केले आहेत, असा सवालही त्यांनी उपस्थित केला.

हे ही वाचा : Maharashtra Weather : राज्यात वरुणराजाचं रौद्ररुप, 'या' जिल्ह्यांचं काही खरं नाही

तर उद्रेक झाला नसता

महाराष्ट्राचे ज्येष्ठ नेते छगन भुजबळ यांच्या विधानाचा मराठीत उच्चार करत त्या म्हणाल्या, "धर्मेंद्र प्रधान यांनी 15 दिवसांपूर्वी राजीनामा दिला असता, तर आंदोलनाचा उद्रेक झाला नसता. पोलिसांनी केलेला लाठीचार्ज आणि त्यामुळे देशात पसरलेली संतापाची लाट संपूर्ण जगाने पाहिली आहे. हे आंदोलन फक्त दिल्लीपुरते मर्यादित नसून नाशिकसह संपूर्ण महाराष्ट्रात पसरले आहे." याशिवाय भाजपचे ज्येष्ठ नेते आणि माजी शिक्षण मंत्री डॉ. मुरली मनोहर जोशी यांनी मुलींवर झालेल्या लाठीहल्ल्याबाबत व्यक्त केलेल्या दुःखाचाही त्यांनी सभागृहात उल्लेख केला.

हे ही वाचा : Personal Finance: EMI भरत आहात? ही 'एक चूक' तुम्हाला पडू शकते 15 लाखांनी महाग!

सिस्टीम विरुद्ध विद्यार्थ्यांच्या आकांक्षा

आंदोलक विद्यार्थ्यांवर पोलीस प्रशासनाकडून होणाऱ्या दबावावर आणि अटकेच्या कारवायांवर चिंता व्यक्त करताना त्यांनी मुंबईतील रिया अहिर नावाच्या तरुणीच्या धाडसी आंदोलनाचे कौतुक केले. "हा विषय 'यूपीए विरुद्ध एनडीए' असा नसून 'सिस्टीम विरुद्ध विद्यार्थ्यांच्या आकांक्षा (Aspirations)' असा आहे," असे स्पष्ट करत त्यांनी संपूर्ण प्रकरणाची पारदर्शक चौकशी करण्यासाठी 'एसआयटी' (SIT) स्थापन करण्याची, सर्वपक्षीय बैठक बोलावण्याची आणि या समस्येवर कायमस्वरूपी तोडगा काढण्यासाठी संयुक्त संसदीय समिती (JPC) स्थापन करण्याची मागणी केली.

राजनाथजी, काहीतरी करा...

आपल्या भाषणाच्या शेवटी त्यांनी सभागृहात उपस्थित असलेले देशाचे संरक्षण मंत्री आणि वरिष्ठ नेते राजनाथ सिंह यांच्याकडे थेट हात जोडून विनंती केली. "राजनाथ जी, तुम्ही देशातील अत्यंत वरिष्ठ आणि आदरणीय नेते आहात. कृपया काहीतरी करा." असे आवाहन त्यांनी केले.