EVM मशीन ठेवलेल्या स्ट्राँग रुममधून संशयास्पद आवाज, धाराशिवमध्ये शिवसैनिक आक्रमक; नेमकं काय घडलं?

ईव्हिएमचा आवाज आल्याने दोन्ही शिवसेना आक्रमक 

घटनेची माहिती मिळताच दोन्ही शिवसेना गटांचे कार्यकर्ते स्ट्राँग रूम परिसरात दाखल झाले. मशीनमधून अचानक आवाज आल्याने त्यात छेडछाड किंवा अनियमितता सुरू असल्याचा संशय व्यक्त करण्यात आला. या पार्श्वभूमीवर दोन्ही गटांचे शिवसैनिक आक्रमक झाले असून प्रशासनाकडून तात्काळ स्पष्टीकरणाची मागणी करण्यात आली.

हेही वाचा : 'निलेश राणे तर देशभक्तीचं उदाहरण..', सुप्रिया सुळेंनी भर सभागृहात भाजपची काढली पिसं.. 'तो' Video आता थेट दिल्ली दरबारी

शिवसेना (ठाकरे गट) आणि शिवसेना (शिंदे गट) या दोन्हींकडून निवडणूक आयोगाच्या कामकाजावर प्रश्नचिन्ह उपस्थित करण्यात आले आहे. मशीनची पडताळणी गुपचूप का करण्यात आली? उमेदवारांना का कळविण्यात आले नाही? असा सवाल कार्यकर्त्यांनी केला. स्ट्राँग रूममध्ये सीसीटीव्ही कॅमेरे असतानाही आतापर्यंतचे संपूर्ण फुटेज उपलब्ध करून देण्याचे दोन्ही गटांनी प्रशासनाला निर्देशित केले आहे.

या प्रकरणानंतर प्रशासनाकडून परिस्थिती नियंत्रणात ठेवण्यासाठी पोलिस बंदोबस्त वाढवण्यात आला. स्ट्राँग रूमच्या बाहेर मोठ्या संख्येने शिवसैनिक जमले होते. निवडणूक प्रक्रियेबाबत शंका उपस्थित होऊ नयेत, पारदर्शकता राखावी आणि मशीनची सुरक्षितता सुनिश्चित करावी, अशी मागणी कार्यकर्त्यांनी केली आहे.

धाराशिवमधील आधीच रखडलेल्या निवडणूक प्रक्रियेवर या घटनेमुळे आणखी प्रश्नचिन्ह उभे राहिले असून, दोन्ही शिवसेना गटांनी आजपासून स्ट्राँग रूम परिसरात “खडा पहारा” देण्याचा इशारा दिला आहे. सीसीटीव्ही फुटेज आणि मशीन पडताळणीची संपूर्ण माहिती मिळेपर्यंत आंदोलन सुरु राहणार असल्याचे कार्यकर्त्यांनी स्पष्ट केले.

निवडणूक निर्णय अधिकारी यांचं स्पष्टीकरण

“धाराशिव नगर परिषदेतील तीन प्रभागांच्या निवडणुकीसाठी ईव्हीएम मशीनची फर्स्ट लेवल चेकिंग प्रक्रिया नियमांनुसार करण्यात आली. राजकीय पक्षांच्या किंवा उमेदवारांच्या प्रतिनिधींना स्वतंत्रपणे नोटीस देण्याची आवश्यकता नसते. एकच नोटीस नोटीस बोर्डावर लावणे हीच अधिकृत व नियमबद्ध पद्धत आहे, आणि तीच पाळण्यात आली आहे. फर्स्ट लेवल चेकिंगदरम्यान मशीनमधून बीपचा आवाज येणे ही नियमित तांत्रिक प्रक्रिया असून त्यात कोणताही गैरप्रकार किंवा अनियमितता नाही. सर्व प्रक्रिया पारदर्शक आणि नियमानुसार करण्यात आल्या आहेत.”

इतर महत्त्वाच्या बातम्या 

सोलापूर : बाळ आजारी असल्याने आजोबा रुग्णालयात घेऊन गेले, पण येताना भीषण अपघात; दोघांचाही जळून मृत्यू