बदलापूरमधील लैंगिक अत्याचार प्रकरणातील सहआरोपीची स्वीकृत नगरसेवकपदी नियुक्ती, भाजपचा वादग्रस्त निर्णय

ऑगस्ट 2024 मध्ये बदलापूरमधील एका नामांकित शाळेत दोन चिमुरड्या मुलींवर लैंगिक अत्याचार झाल्याची घटना उघडकीस आली होती. या प्रकरणातील मुख्य आरोपी, शाळेतील सफाई कर्मचारी अक्षय शिंदे याचा नंतर पोलिसांनी एन्काऊंटर केला आणि त्याच्या मृत्यू झाला होता. मात्र तपासात हा प्रकार केवळ एका व्यक्तीपुरता मर्यादित नसल्याचे समोर आले. अत्याचाराची माहिती दडपण्याचा प्रयत्न केल्याच्या आरोपाखाली शाळेचे अध्यक्ष उदय कोतवाल आणि सचिव तुषार आपटे यांच्यावर पोक्सो कायद्याअंतर्गत गुन्हे दाखल करण्यात आले.

हेही वाचा : ...अखेर सुप्रिया सुळे अन् अजित पवार एकत्र, पुणे अन् पिंपरी चिंचवड महानगरपालिकेसाठी जाहिरनाम्याचं प्रकाशन

गुन्हा दाखल होताच कोतवाल आणि आपटे हे दोघेही फरार झाले होते. तब्बल 40 दिवसांनंतर ठाणे गुन्हे शाखेच्या पथकाने कर्जत येथील एका फार्महाऊसमधून त्यांना अटक केली. त्यानंतर अवघ्या 48 तासांत तुषार आपटे यांना जामीन मंजूर झाला. सध्या या प्रकरणाची सुनावणी कल्याण जिल्हा व सत्र न्यायालयात सुरू आहे.

या पार्श्वभूमीवर, कुळगाव–बदलापूर नगरपरिषदेत शुक्रवारी झालेल्या पहिल्या सर्वसाधारण सभेत पाच स्वीकृत नगरसेवकांची निवड जाहीर करण्यात आली. यामध्ये भाजपकडून तुषार आपटे यांची नियुक्ती झाल्याचे समोर येताच तीव्र प्रतिक्रिया उमटल्या आहेत. सूत्रांच्या माहितीनुसार, नगरपरिषद निवडणुकीत भाजपच्या उमेदवारांना निवडून आणण्यात आपटे यांनी मदत केल्याने त्यांना हे पद देण्यात आल्याची चर्चा आहे.

संजय राऊतांचा भाजपवर हल्लाबोल

संजय राऊत याबाबत बोलताना म्हणाले, बदलापूरच्या शाळेत लैंगिक अत्याचार प्रकरणामुळे दोन दिवस आंदोलन पेटले होते. ज्या शाळेत हा प्रकार घडला त्या शाळेच्या संचालकांनी संबंधित मुलीच्या आईची तक्रार घेऊन नये यासाठी भाजपच्या माध्यमातून पोलिसांवर दबाव आणला. त्यानंतर तुषार आपटे फरार झाले, ठरवून सरेंडर झाले. आम्हाला वाटलं तुषार आपटे जेलमध्ये आहेत. पण रवींद्र चव्हाणांनी त्यांना आता नगरपालिकेच्या सभागृहात घोड्यावर बसवून आणलं.

इतर महत्त्वाच्या बातम्या 

अशोक चव्हाण म्हणाले 'रोज खा मटण, दाबा कमळाचं बटण' यशोमती ठाकूरांनी चांगलंच झापलं म्हणाल्या, 'वडिलांची प्रतिमा...'