नगराध्यक्षपदाचा उमेदवारच म्हणतोय, “मला मतदान करू नका!”; स्वत:विरोधात जोरदार प्रचार

घोडके सांगतात की, स्वतःचे नाव उमेदवारीसाठी जाहीर झाल्यानंतर त्यांनी राजकीय वातावरण व निवडणूक प्रक्रियेतील बदलत्या प्रवृत्तींचा बारकाईने आढावा घेतला. त्यांच्या मते, सध्या निवडणुकांच्या माध्यमातून “अयोग्य आणि अपप्रवृत्तींचा शिरकाव” वाढत आहे. पैशांचा वापर, मतलबी राजकारण आणि समाजातील फूट पाडण्याचे प्रयत्न यामुळे खऱ्या अर्थाने जनतेची सेवा करणाऱ्या उमेदवारांना संधी मिळत नाही, असे ते म्हणाले.

हेही वाचा : डेटिंग अ‍ॅपवर मैत्री, 2000 रुपयांचा व्यवहार, पण हॉटेलच्या खोलीत गेल्यानंतर वेगळीच डिमांड... अखेर, घडलं भयंकर!

त्यांच्या म्हणण्यानुसार, आरक्षण खुले असूनही राजकीय पक्षांनी मराठा समाजाकडे दुर्लक्ष केले. “खुल्या वर्गावर आरक्षण आल्यानंतर नैसर्गिकरित्या सर्वसाधारण वर्गातील उमेदवाराला संधी मिळणे अपेक्षित. पण दोन्ही राष्ट्रीय पक्षांनी त्या भावनांचा विचार न करता उमेदवार दिल्याने आमच्या समाजाची अवहेलना झाली,” असे घोडके यांनी मतदारांना सांगितले. याच कारणांवर त्यांनी वैयक्तिक पातळीवर क्षोभ व्यक्त करत उमेदवारी कायम ठेवली असली, तरी प्रत्यक्ष प्रचारात मात्र लोकांना मतदान न करण्याचे आवाहन करून ते एकप्रकारे निवडणूक प्रक्रियेचा निषेधच नोंदवत आहेत.

मतदारांशी संवाद साधताना ते सांगतात, “मी या व्यवस्थेचा भाग बनू इच्छित नाही. जेव्हा राजकारणात स्वच्छता येईल, समाजन्याय होईल, तेव्हा मी पुन्हा जनतेसमोर येईन. सध्या मात्र मला मतदान करू नका.” कराडमध्ये त्यांच्या या निर्णयाची जोरदार चर्चा सुरू असून, स्थानिक पातळीवर हा एक अनोखा आणि दुर्मिळ प्रकार म्हणून पाहिला जात आहे. अनेक मतदार आणि कार्यकर्ते या भूमिकेबाबत आश्चर्य व्यक्त करत असले, तरी निवडणूक व्यवस्थेतील बिघाडांविरोधात उभे राहण्याची ही एक “नवीन पद्धत” असल्याचे मतही काहीजण मांडत आहेत.

इतर महत्त्वाच्या बातम्या 

मोठी बातमी : एकनाथ शिंदेंसोबत जाण्यासाठी 'त्या' आमदाराने 50 कोटी घेतले, भाजप आमदाराने नाव सांगितलं