'हे ढेकणं आणि गिधाडं सुनेत्रा पवारांचा घात करू शकतात..', मनोज जरांगे थेट बोलून गेले!

मनोज जरांगे यांची प्रतिक्रिया 

"सुनेत्रा पवार उपमुख्यमंत्री हा त्यांच्या पक्षाचा विषय आहे. सुनेत्रा पवार पहिल्या महिला उपमुख्यमंत्री होतायत हा चांगला विषय आहे. राजकिय डावपेच मी सांगू शकत नाही. अजित पवार यांच्या जागेवर त्यांचाच माणूस हवा होता."

पुढे त्यांनी असंही म्हटलं की, "हा त्यांचा डावपेच असू शकतो मी सांगू शकत नाही. सर्वांना घेऊन चालावं. जे गिधाड नव्हते ते आता घिरट्या घालायला लागले आहेत. त्यांच्यावर आता लक्ष ठेवावे लागेल. दादा हे दादा होते. दादांसोबत न दिसणारे गिधाड आता दिसू लागले आहेत. सुनेत्रा पवार यांनी अचानक जमलेल्या ढेकणांवर लक्ष ठेवावे. हे ढेकण आणि गिधाडं घात करू शकतात, सुनेत्रा पवार यांनी पवार कुटुंबाला सोबत घ्यावं, हे ढेकणं खूप रक्त पिऊ शकतात, त्यावेळी कुटुंबच तुमच्या कामाला येईल. काही अडचणीमुळे सुनेत्रा पवार यांनी तातडीनं उपमुख्यमंत्री पद स्विकारले असावं. पार्थ आणि जय पवार यांनी दादांनी काही सल्ला दिलेला असेल त्याचे पालन करावे." 

हे ही वाचा: "मी सुनेत्रा अजित पवार, उपमुख्यमंत्री म्हणून..." महाराष्ट्राला मिळाल्या पहिल्या महिला उपमुख्यमंत्री

तसेच, बीड पालकमंत्री पदाबाबत बोलताना ते म्हणाले की, "हे कुठेही पळतं. त्याला काही मिळत नाही. अजित पवार एवढेच फडणवीस हुशार आहेत. त्याला जवळ करणार नाहीत. आतापर्यंत यांचं दुखत होतं. पण यांच्यापासून सावध राहणे गरजेचे आहे.

अजित पवारांच्या विमान अपघाताबद्दल त्यांनी सांगितलं की, "यात काही राजकारण किंवा तसं काही असेल तर त्याची चौकशी होईल. माझ्या घातपात प्रकरणातही SIT तपासाची मागणी करणार. माझ्या घातपात प्रकरणात तपास अहवालाचं काय झालं?" 

राष्ट्रवादी पक्षाच्या विलीनीकरणाबाबत सुद्धा त्यांनी प्रतिक्रिया व्यक्त केली आहे. ते म्हणाले की, "विरोधी पक्ष आता प्रबळ व्हायला हवे. पवार कुटुंब असो की ठाकरे कुटुंब. परिवार एकसंघ होऊन राज्यात मुसंडी कशी मारता येईल या दृष्टीने सुनेत्रा पवार यांनी पावलं उचलावी. सुनेत्रा पवार यांना आता काटेरी रस्त्यावरून चालावे लागणार आहे.