शरद पवारांची प्रकृती बिघडली, रुबी रुग्णालयात दाखल, अशक्तपणामुळे सलाईन लावण्यात येणार

यापूर्वीही त्यांची प्रकृती अचानक बिघडल्याने त्यांना रुग्णालयात दाखल करण्यात आले होते. अजित पवार यांच्या अपघाती निधनानंतर शरद पवार काही दिवस बारामतीत मुक्कामी होते. या काळात त्यांनी सुनेत्रा पवार, पार्थ पवार आणि जय पवार यांच्या भेटीगाठी घेत कुटुंबीयांना धीर देण्याचा प्रयत्न केला होता. मात्र, या दरम्यान त्यांच्या प्रकृतीत बिघाड झाला होता. त्यामुळे त्यांना बारामतीहून पुण्यात आणण्यात आले.

हेही वाचा : 'VSR कंपनीला कोण वाचवतंय...', रोहित पवारांनी 'त्या' केंद्रीय मंत्र्याचा राजीनामा मागितला, मोदी-शाहांकडेही मोठी मागणी

तेव्हा शरद पवार बारामती येथील त्यांच्या ‘गोविंदबाग’ या निवासस्थानी होते. अचानक खोकला आणि ताप आल्याने डॉक्टरांची टीम त्यांच्या घरी दाखल झाली होती. प्राथमिक तपासणीनंतर त्यांना तातडीने पुण्यातील रुबी हॉल क्लिनिकमध्ये दाखल करण्यात आले. तेथे सुमारे पाच दिवस उपचार घेतल्यानंतर त्यांच्या प्रकृतीत सुधारणा झाली होती आणि त्यांना घरी सोडण्यात आले होते. त्यानंतर ते पुण्यातील निवासस्थानी विश्रांती घेत होते.

मात्र, आता पुन्हा एकदा अशक्तपणा जाणवू लागल्याने आणि आहार व्यवस्थित न झाल्याने त्यांना रुग्णालयात दाखल करण्याचा निर्णय घेण्यात आला आहे. डॉक्टरांची टीम त्यांच्या प्रकृतीवर बारकाईने लक्ष ठेवून असून, लवकरच त्यांच्या प्रकृतीविषयी अधिकृत वैद्यकीय माहिती जाहीर होण्याची शक्यता आहे. समर्थक आणि कार्यकर्त्यांकडून त्यांच्या प्रकृतीत लवकरात लवकर सुधारणा व्हावी, अशी इच्छा व्यक्त केली जात आहे.

इतर महत्त्वाच्या बातम्या 

बीड : माजलगावच्या लॉजमधील 'त्या' खोलीत दुर्गंधी पसरली होती, दरवाजा उघडताच नको तेच... पुढे काय घडलं?