..तर काँग्रेस पुन्हा इतिहास जीवंत करु शकेल

विधानसभेच्या 234 जागांपैकी 100 हून अधिक जागांवर 'टीव्हीके' आघाडीवर असताना, विजय यांच्या गोटातून आलेल्या या संदेशामुळे राज्यातील भविष्यातील राजकीय समीकरणांबाबतच्या चर्चांना उधाण आले आहे. "काँग्रेसला एक इतिहास आणि परंपरा आहे. अशा काँग्रेसचे महत्त्व का कमी होत आहे? कारण त्यांच्याकडे सत्ता नाही," असे ते म्हणाले. त्यांनी पुढे नमूद केले की, "दुसऱ्या कोणत्या तरी पक्षाला पाठिंबा दिल्यामुळे त्यांची घसरण होत आहे. ती सत्ता आम्ही देऊ—आम्ही नाही तर विजय ती सत्ता देण्यास तयार आहे. जर ती सत्ता मिळाली, तर काँग्रेस आपला इतिहास पुन्हा जिवंत करू शकेल. त्यांनी या संधीचा फायदा उठवला पाहिजे."

हे ही वाचा : तामिळनाडू विधानसभा निवडणुकीत थलापतिची 'विजयी' वाटचाल, सोनं, साड्या बरंच काही; मतदारांना दिली 'ही' 5 आश्वासने

गेल्या 30 वर्षांपासूनची तयारी

या वक्तव्यामुळे तामिळनाडूच्या भविष्यातील राजकीय समीकरणांमध्ये 'टीव्हीके' स्वतःला एक मुख्य केंद्रबिंदू म्हणून प्रस्थापित करण्याचा प्रयत्न करत असल्याचं दिसून येत आहे. चंद्रशेखर यांनी विजय यांच्या सार्वजनिक जीवनातील दीर्घकालीन आवडीबद्दलही भाष्य केले आणि त्यांचा राजकीय उदय हा अनेक वर्षांचा विचार आणि तयारीचा परिणाम असल्याचे सांगितले. "गेल्या ३० वर्षांपासून समाज आणि तमिळ लोकांसाठी काहीतरी करण्याची त्याची (विजयची) इच्छा होती. ही गोष्ट त्याच्या मनात कायम होती. हळूहळू त्यांनी या गोष्टी विकसित केल्या," असे ते म्हणाले.

हे ही वाचा : थलपती विजयला मुख्यमंत्री व्हायचं असेल तर... TVK कोणाची साथ घेणार?

'तो तामिळनाडूचा मुख्यमंत्री होणार'

निवडणुकीचे कल 'टीव्हीके'च्या बाजूने असताना, चंद्रशेखर यांनी पक्षाच्या भवितव्याबद्दल आत्मविश्वास व्यक्त केला. "आज तो तामिळनाडूचा मुख्यमंत्री होणार आहे," असे ते ठामपणे म्हणाले. त्यांनी विजय यांच्या समाजातील विविध घटकांमधील लोकप्रियतेवरही भर दिला आणि समर्थकांशी असलेल्या त्यांच्या भावनिक नात्याचे वर्णन केले. "तमिळ लोकांनी त्यांच्यावर केवळ एक नेता म्हणून प्रेम केले नाही. प्रत्येक महिला त्याला स्वतःचा मुलगा मानते. तरुण त्याला स्वतःचा भाऊ मानतात. प्रत्येकजण त्यांना 'अण्णा' म्हणून हाक मारतो," असे त्यांनी सांगितले.

हे ही वाचा : West Bengal Assembly Election Result 2026: झालमुरी ते कालीघाट.. PM मोदींनी कमालच केली, दीदी हैराण.. भाजप तब्बल 'एवढ्या' जागांवर आघाडीवर

'असे' आहे जनतेशी नाते

ते पुढे म्हणाले, "काही महिला त्याला स्वतःचा मुलगा समजतात, तर काही वृद्ध महिला त्याला आपला नातू मानतात. त्याने जनतेशी असे नाते निर्माण केले आहे." मतमोजणीचे कल जसजसे पुढे येत आहेत, तसतशी 'टीव्हीके'ची कामगिरी तामिळनाडूतील राजकीय चर्चांना नवे रूप देत आहे. चंद्रशेखर यांनी काँग्रेसला दिलेल्या या हाकेनंतर आता युतीच्या शक्यतांना प्रकाशझोतात आणले असून, सर्वच पक्षांना आपली भूमिका पुन्हा एकदा तपासावी लागत आहे.