Personal Finance: जर क्रेडिट कार्ड धडाधड वापरलं अन्.. पाहा तुमचा कसा होऊ शकतो टप्प्यात कार्यक्रम
Personal Finance Credit Card Tips: क्रेडिट कार्डचा वापर हा सध्या मोठ्या प्रमाणात केला जात आहे. पण असं असलं तरी क्रेडिट कार्डाचा वापर योग्य पद्धतीने केला नाही तर ते तुम्हाला त्रासदायक ठरू शकतं.
ADVERTISEMENT
Credit Card Use: मुंबई: आजकाल क्रेडिट कार्डचा वापर मोठ्या प्रमाणात होत आहे. सध्या तरुण अनेक बँकांचे क्रेडिट कार्ड ठेवतात. ते किराणा सामान, पेट्रोल, मुलांची फी, ईएमआयवर घेतलेले टीव्ही, वॉशिंग मशीन, फ्रिज आणि इतर घरगुती उपकरणांचे हप्ते भरत आहेत. बहुतेक लोकांना वाटते की, क्रेडिट कार्डद्वारे पेमेंट करणे आणि वेळेवर परतफेड करणे पूर्णपणे मोफत आहे. बँक यावर कोणतेही शुल्क कापत नाही. परंतु वेगवेगळ्या बँकांच्या वेगवेगळ्या क्रेडिट कार्डचे शुल्क देखील वेगवेगळे आहे. असे अनेक छुपे शुल्क आहेत जे आपल्याला माहीत नसताता. त्यामुळे तुमच्या खात्यातून ते सतत कापले जात राहतात. त्याची गणना इतकी गुंतागुंतीची आहे की जनरेट केलेल्या बिलात काही शुल्क आहे की नाही हे लोकांना समजू शकत नाही.
क्रेडिट कार्डचं सगळं गणित आपण सरळ आणि सोप्प्या पद्धतीने समजून घेऊ
30 वर्षांचा नरेशही त्याच गोंधळात आहे. त्याला हे समजत नाही की, तयार होणारे बिल क्रेडिट कार्डद्वारे खर्च केलेल्या रकमेइतकेच आहे की त्यावर शुल्क आकारले जाते. पर्सनल फायनान्स या मालिकेत आम्ही तुम्हाला याबद्दल सांगणार आहोत. या मालिकेत, क्रेडिट कार्डवर आकारल्या जाणाऱ्या वेगवेगळ्या शुल्कांबद्दल सांगण्यासोबतच, आम्ही तुम्हाला ते टाळण्याचे मार्ग देखील सांगू.
हे ही वाचा>> Vijay Wadettiwar : "27 लाख लाडक्या बहिणींना बाद केलं आणि...", विजय वडेट्टीवारांनी महायुती सरकारचा हिशोबच मांडला
क्रेडिट कार्डची वाढती भूमिका
भारतात क्रेडिट कार्डचा वापर झपाट्याने वाढत आहे. या वाढीचे मुख्य कारण म्हणजे ग्राहकांच्या वाढत्या खर्चाच्या गरजा आणि कर्जाची वाढती मागणी. बँका आणि संस्थांचे कर्मचारी शॉपिंग कॉम्प्लेक्स, मॉल्स आणि अनेक सार्वजनिक ठिकाणी क्रेडिट कार्ड विकताना आणि त्यांची वैशिष्ट्ये समजावून सांगताना दिसतात. फोनवरून क्रेडिट कार्ड दिले जात आहेत. जर तुमचा CIBIL स्कोअर चांगला असेल तर तो मिळवणे आणि वापरणे खूप सोपे आहे पण काळजी घ्या. कारण नजर हटी, दुर्घटना घटी असा हा सगळा प्रकार आहे.
ज्यासाठी तुम्ही क्रेडिट कार्ड घेतले आहे तेच कार्ड तुमचे आयुष्य अत्यंत कठीण बनवू शकतं. क्रेडिट कार्डशी संबंधित अनेक शुल्क, दंड आणि कर आहेत, जे जाणून घेणे खूप महत्वाचे आहे.
हे वाचलं का?
