Sharad Mohol : पुणे हादरलं! कुख्यात गँगस्टर शरद मोहोळची भरदुपारी हत्या
कुख्यात गुंड शरद मोहोळ याच्यावर हा जीवघेणा हल्ला टोळीने केला की हल्लेखोर अन्य कुणी होते, याबद्दल अद्याप कोणतीही माहिती समोर आलेली नाही. पोलिसांनी अद्याप याबाबत कोणतीही माहिती दिलेली नाही.
ADVERTISEMENT
Who is sharad mohol : कुख्यात गँगस्टर शरद मोहोळ याच्यावर पुण्यातील कोथरूड परिसरात गोळीबार करण्यात आला. कोथरूड परिसरातील सुतारदरा या ठिकाणी जात असताना दुचाकीवरून आलेल्या अज्ञात आरोपींनी शरद मोहोळ याच्या दिशेने गोळ्या झाडल्या. त्यातील एक गोळी शरद मोहोळ यांना लागली. गंभीर जखमी झालेल्या शरद मोहोळ याच्यावर कोथरूड परिसरातीलच एका खासगी रुग्णालयात दाखल करण्यात आले होते. उपचारादरम्यान मोहोळचा मृत्यू झाला. आज (५ डिसेंबर) दुपारी दीड वाजण्याच्या सुमारास हा संपूर्ण प्रकार घडला आहे. गोळ्या झाडल्यानंतर आरोपी पसार झाले आहेत. घटनेची माहिती मिळताच कोथरूड पोलिसांचे पथक घटनास्थळी दाखल झाले आहे.
कुख्यात गुंड शरद मोहोळ याच्यावर हा जीवघेणा हल्ला टोळीने केला की हल्लेखोर अन्य कुणी होते, याबद्दल अद्याप कोणतीही माहिती समोर आलेली नाही. पोलिसांनी अद्याप याबाबत कोणतीही माहिती दिलेली नाही.
हेही वाचा >> हाजी मलंग दर्गा की मंदिर?, राजकारण का तापले? नेमका त्याचा इतिहास काय?
शरद मोहोळ कोथरूड परिसरातील सुतारदरा भागातून जात होता. त्यावेळी अचानक दुचाकीवरून काही जण आले. त्यांनी शरद मोहोळ याच्या जवळ जाऊन अचानक गोळ्या झाडल्या. दोन गोळ्या चुकल्या मात्र, एक गोळी त्याच्या खांद्याला लागली.
या घटनेत जखमी झालेल्या शरद मोहोळला तातडीने कोथरूड परिसरातच असलेल्या एका रुग्णालयात दाखल करण्यात आले. उपचार सुरू असताना त्याचा मृत्यू झाला.
हे वाचलं का?
