IL and FS case : Jayant Patil ईडी कार्यालयात, कार्यकर्त्यांना म्हणाले…

आयएल अॅण्ड एफएस अर्थात इन्फ्रास्ट्रक्चर लीजिंग अँड फायनान्शियल सर्व्हिसेस गैरव्यवहार प्रकरणी राष्ट्रवादीचे नेते जयंत पाटील यांना ईडीकडून समन्स बजावण्यात आले होते. राज्याचे गृह आणि अर्थमंत्री राहिलेले, तसेच सातवेळा आमदार राहिलेले जयंत पाटील ईडीच्या रडारवर आले आहेत.

यापूर्वी जयंत पाटील यांना शुक्रवारी सकाळी जबाब नोंदवण्यासाठी ईडीने बोलावले होते. पण, त्यांनी पूर्वनियोजित कार्यक्रम असल्याचं सांगत समन्सबाबत ईडीला पत्र लिहिले होते आणि वेळ मागून घेतली होती. त्यानुसार ईडीने जयंत पाटील यांना आठवड्याभराची मुदत वाढून दिली. त्यानंतर ईडीने पाटील यांना दुसरे समन्स बजावले. त्यानुसार आज (22 मे) ते चौकशीसाठी उपस्थित राहिले आहेत. ईडी कार्यालयात जाण्यापूर्वी जयंत पाटील राष्ट्रवादी काँग्रेसच्या प्रदेश कार्यालयातही गेले होते.

ईडीच्या चौकशीला जाण्यापूर्वी जयंत पाटील कार्यकर्त्यांना काय म्हणाले?

प्रदेशाध्यक्ष जयंत पाटील यांनी ईडीच्या चौकशीला निघण्यापूर्वी एक ट्विट केलं. त्या ट्विटमध्ये त्यांनी राष्ट्रवादी काँग्रेसच्या कार्यकर्त्यांना आवाहन केलं आहे.