MSC bank scam मधून अजित पवारांबरोबर रोहित पवारही सुटणार? मुंबई पोलिसांचा क्लोजर रिपोर्ट
MSC bank scam Latest Update : महाराष्ट्र शिखर बँक घोटाळा प्रकरणात मुंबई पोलिसांनी दुसरा सी समरी म्हणजेच क्लोजर रिपोर्ट न्यायालयात दाखल केला.
ADVERTISEMENT
Mumbai Police EOW files C Summary (closure report) in MSC bank scam case : ज्या प्रकरणात ईडी अर्थात सक्तवसुली संचालनालयाकडून आमदार रोहित पवार यांची चौकशी केली जात आहे. त्याच प्रकरणात मुंबई पोलिसांच्या आर्थिक गुन्हे शाखेने क्लोजर रिपोर्ट न्यायालयात सादर केला आहे. हा अहवाल न्यायालयाने स्वीकारल्यास मूळ केस बंद होईल. त्यामुळे ईडीलाही या प्रकरणाचा तपास बंद करावा लागेल. त्यामुळे अजित पवारांबरोबर रोहित पवारांची या प्रकरणात सुटका होऊ शकते.
महाराष्ट्र शिखर बँक घोटाळा प्रकरणात मुंबई पोलिसांनी दुसरा सी समरी म्हणजेच क्लोजर रिपोर्ट न्यायालयात दाखल केला. एकीकडे ईडीकडून रोहित पवारांची चौकशी सुरू असताना मुंबई पोलिसांच्या आर्थिक गुन्हे शाखेने सी समरी रिपोर्ट दाखल केल्याने या न्यायालयाच्या निकालाकडे सगळ्यांचं लक्ष लागलं आहे.
ईडीने क्लोजर रिपोर्टला केला विरोध होता विरोध
MSC बँक घोटाळ्याप्रकरणी मुंबई पोलिसांच्या आर्थिक गुन्हे शाखेने ने सी समरी (क्लोजर रिपोर्ट) दाखल केली. या प्रकरणात आर्थिक गुन्हे शाखेने दाखल केलेला हा दुसरा क्लोजर रिपोर्ट आहे.
अजित पवार हे महाविकास आघाडी सरकारमध्ये उपमुख्यमंत्री होते, तेव्हा पहिला क्लोजर रिपोर्ट 2020 मध्ये दाखल करण्यात आला होता. यावर कोणताही आदेश दिला गेला नाही, तसेच ईडीने या क्लोजर रिपोर्टला विरोध केला होता.
हे वाचलं का?
