Sambhaji Bhide : “भिडे हिंदुत्वाकरिता काम करतात”,देवेंद्र फडणवीसांनी काय दिलं उत्तर?
संभाजी भिडेंविरुद्ध कोणत्या कलमान्वये गुन्हा दाखल करण्यात आला आहे, याची माहिती देवेंद्र फडणवीस यांनी विधानसभेत दिली. त्याचबरोबर शिदोरी मासिकाविरुद्धही गुन्हा दाखल करणार असे सांगितले.
ADVERTISEMENT
Sambhaji Bhide Controversy : अमरावती येथे झालेल्या कार्यक्रमात संभाजी भिडेंनी महात्मा गांधी, महात्मा फुले, लोकहितवादी, राजाराम मोहन रॉय, साईबाबा यांच्याबद्दल अर्वाच्य भाषेत विधानं केली. त्यांच्याविरोधात काँग्रेससह विरोधी पक्षातील आमदार आक्रमक झाले आहेत. संभाजी भिडेंना अटक करण्याची मागणी होत असून, आज विधानसभेत यावरून प्रचंड गदारोळ झाला. त्यानंतर देवेंद्र फडणवीस यावर निवेदन केलं. (Devendra fadnavis on Sambhaji Bhide controversy)
देवेंद्र फडणवीसांनी या प्रकरणावर विधानसभेत निवेदन केले. ते म्हणाले, “संभाजी भिडे यांनी अमरावती येथे एक भाषण केले. त्यात त्यांनी आपल्या सहकाऱ्याला पुस्तक वाचायला लावले. त्यातील आशयावरून काही कमेंट्स केल्या आहेत. ती दोन पुस्तके डॉ. एस. के. नारायणाचार्य आणि घोष यांची आहेत. ते काँग्रेसचे नेते आहे, असे त्यांचे म्हणणे आहे.”
वाचा >> Sambhaji Bhide: गांधी, फुले ते साईबाबा, भिडेंनी कुणालाच सोडलेलं नाही, तरीही…
फडणवीसांनी पुढे सांगितलं की, “त्यांच्या पुस्तकातील मजकूर संभाजी भिडे गुरूजी यांनी त्यांच्या सहकाऱ्यामार्फत उद्धृत केला. त्यातील एका पुस्तकाचे नाव द कुराण अॅण्ड द फकीर… या 192 पानाच्या पुस्तकाबद्दल व्हिडीओत दिसते. अमरावती येथील राजापेठ पोलीस ठाण्यात गुन्हा दाखल करण्यात आलेला आहे. भारतीय दंड विधान कलम 153 अ, 500, 505 (2), 34 तसेच मपोका सह कलम 135 अन्वये 29 जुलै 2023 रोजी संभाजी भिडे गुरूजी व अन्य दोन व्यक्तींविरुद्ध गुन्हा दाखल करण्यात आलेला आहे.”
भिडेंच्या सभेचे व्हिडीओ नाहीत -फडणवीस
“यावेळी काँग्रेसच्या नेत्यांनी गुरुजी उल्लेखांवर फडणवीसांना टोकले. त्यावर देवेंद्र फडणवीस म्हणाले, ‘आम्हाला गुरुजी वाटतात. काय अडचण आहे? त्यांचं नाव भिडे गुरूजी आहे. असं आहे की संभाजी भिडे यांना सीआरपीसी 41 अ ची नोटीस पाठवली आहे. अमरावती पोलिसांनी त्यांच्याशी संपर्क साधला आणि नोटीस बजावली. ती त्यांनी स्वीकारली आहे. त्यानुसार चौकशी होईल. अमरावती येथील या सभेचे व्हिडीओ उपलब्ध नाहीत, असे पोलिसांचे म्हणणे आहे”, अशी माहिती फडणवीसांनी विधानसभेत दिली.
हे वाचलं का?
