Nagpur Rain: नागपुरात ढगफुटी… चार तासात तुफान पाऊस, शहरात पुरामुळे भीषण परिस्थिती
Nagpur Flood: नागपुरात रात्रभर बरसत असलेल्या मुसळधार पावसामुळे अंबाझरी तलाव तुडुंब भरल्याने संपूर्ण शहरात पूरजन्य परिस्थिती निर्माण झाली आहे. अवघ्या काही तासात पावसाने संपूर्ण नागपुरात दाणादाण उडवली आहे.
ADVERTISEMENT
Nagpur Flood: नागपूर: नागपुरात (Nagpur) काल (22 सप्टेंबर) रात्रभर झालेल्या मुसळधार पावसामुळे (Heavy Rain) जनजीवन विस्कळीत झाले आहे. नागपुरात काल रात्री अवघ्या काही तासात 106 मिमी पावसाची नोंद हवामान खात्याने केली आहे. त्यामुळे नागपुरात ढगफुटी सदृश्य पाऊस झाल्याची परिस्थिती निर्माण झाली. रात्री अचानक आलेल्या पावसाने प्रसिद्ध अंबाझरी तलाव हा ओव्हरफ्लो झाला त्यामुळे पावसाचं पाणी नागपूर शहरात शिरलं आणि सर्वत्र पूरपरिस्थिती निर्माण झाली. (100 mm rain in just 4 hours in nagpur flood water entered city dcm devendra fadnavis informed about flood situation on twitter)
अचानक आलेल्या या पुरामुळे अनेक घरात पाणी शिरले आहे. तर मुसळधार पावसामुळे जिल्हा प्रशासनाने आज (23 सप्टेंबर) शाळांना-महाविद्यालयांना सुट्टी जाहीर केली आहे.
मिळालेल्या माहितीनुसार नागपूरच्या मोर भवन बस डेपोमध्ये एक बस बुडाली असून नागपूर महानगरपालिका, नागपूर गोरेवाडा यांच्याकडून सध्या बचावकार्य सुरू आहे.
सध्या अंबाझरी तलावाचे दोन दरवाजे उघडण्यात आले आहेत. त्यामुळे मोठ्या प्रमाणात नागपूर शहरात पाणी शिरल्याचं पाहायला मिळत आहे. याबाबत उपमुख्यमंत्री देवेंद्र फडणवीस (DCM Devendra Fadnavis) फडणवीस यांनी ट्विट करून नागपूर महानगरपालिकेचे आयुक्त, नागपूरचे पोलीस आयुक्त आणि नागपूरचे जिल्हा दंडाधिकारी यांना अडकलेल्यांची मदतकार्य लवकरात लवकर सुरू करण्याच्या सूचना दिल्या आहेत. तसेच एसडीआरएफची टीमही तैनात करण्यात आली आहे.
हे ही वाचा >> नववीच्या विद्यार्थ्याला हृदयविकाराचा झटका, क्षणात होत्याच नव्हतं झालं, डॉक्टर म्हणाले…
नागपूर जिल्हा व महानगरातील शाळांना सुट्टी
नागपूर शहरांमध्ये रात्री दोन वाजेपासून सुरू झालेल्या संततधार पावसामुळे शहराच्या सखल भागामध्ये मोठ्या प्रमाणात पाणी साचले आहे. अंबाझरी तलाव ओव्हर फ्लो झाला असून जिल्हा व महानगर प्रशासनाची आपत्ती व्यवस्थापन चमू कार्यरत आहे. आज सकाळीच जिल्हाधिकारी व महानगर पालिका आयुक्तांनी शहरातील अनेक भागांची पाहणी केली. शहरासह जिल्ह्यातील परिस्थितीवर आपत्ती व्यवस्थापन विभाग लक्ष ठेवून आहे. जिल्ह्यातील सर्व शाळांना ( जिल्हा व महानगर क्षेत्र ) जिल्हाधिकारी डॉ. विपीन इटनकर यांनी आज सुट्टी जाहीर केली आहे.
हे ही वाचा >> Rain Update: राज्यभरात पुन्हा बरसणार, तरीही पावसाची तूट कायम
देवेंद्र फडणवीसांनी दिली नागपुरातील पूरपरिस्थितीची माहिती
‘नागपुरात काल रात्री मुसळधार पावसामुळे अंबाझरी तलाव ओव्हरफ्लो झाल्याने काही भागात पाणी शिरले आहे. अवघ्या 4 तासात 100 मिमीपेक्षा अधिक पाऊस झाल्याची माहिती जिल्हाधिकारी यांनी मला दिली.’
नागपुरात काल रात्री मुसळधार पावसामुळे अंबाझरी तलाव ओव्हरफ्लो झाल्याने काही भागात पाणी शिरले आहे. अवघ्या 4 तासात 100 मिमीपेक्षा अधिक पाऊस झाल्याची माहिती जिल्हाधिकारी यांनी मला दिली.
नागपूर जिल्हाधिकारी, महापालिका आयुक्त हे घटनास्थळी पोहोचले असून तातडीने आवश्यक त्या उपाययोजना…— Devendra Fadnavis (@Dev_Fadnavis) September 23, 2023
‘नागपूर जिल्हाधिकारी, महापालिका आयुक्त हे घटनास्थळी पोहोचले असून तातडीने आवश्यक त्या उपाययोजना केल्या जात आहेत. सखल भागात अडकलेल्या नागरिकांना आधी तातडीने मदत करावी, अशा सूचना देण्यात आल्या आहेत. एनडीआरएफची एक आणि एसडीआरएफच्या 2 चमू बचाव कार्यात तैनात करण्यात आल्या आहेत. सातत्याने प्रशासनाशी संपर्कात असून परिस्थितीवर लक्ष ठेवून आहोत.’ अशी माहिती उपमुख्यमंत्री देवेंद्र फडणवीस यांनी ट्वीट करून दिली आहे.
हे वाचलं का?
