Hindenburg Report : भारतात खळबळ! "सेबी अध्यक्षांच्या परदेशात बनावट कंपन्या; अदाणी समूहाशी संबंध"
Hindenburg Report on SEBI Chairman : हिंडनबर्ग रिसर्चने प्रसिद्ध केलेल्या एका रिपोर्ट भारतात खळबळ उडाली आहे. हिंडनबर्ग रिसर्चने थेट सेबीच्या अध्यक्ष माधवी पुरी बुच आणि त्यांचे पती धवल बुच यांच्या बनावट कंपन्यांतील पैसा अदाणी समूहाने वापरल्याचा आरोप केला आहे.
ADVERTISEMENT
बातम्या हायलाइट
हिंडनबर्ग रिपोर्टमध्ये सेबी अध्यक्षांवर गंभीर आरोप
माधवी पुरी बुच आणि अदाणी समूहाचे संबंध असल्याचा आरोप
हिंडनबर्ग रिसर्चने रिपोर्टमध्य काय म्हटलं आहे?
Hindenburg Report Madhabi Puri Buch : भारतात लवकरच काही मोठे घडणार, अशी पोस्ट केल्यानंतर हिंडनबर्ग रिसर्चने थेट सेबी अध्यक्ष माधवी पुरी बुच, त्यांचे पती धवल बुच आणि अदाणी समूहात संबंध असल्याचा गंभीर आरोप केला आहे. अदाणी घोटाळ्यात ज्या कंपन्यांचे पैसे वापरण्यात आले, त्या दोन्ही परदेशी कंपन्या बनावट असून, त्यात सेबी अध्यक्ष माधवी पुरी बुच आणि त्यांचे पती धवल बुच यांची भागीदारी असल्याचा आरोप हिंडनबर्ग रिसर्चने केला आहे. ही माहिती समोर आल्यानंतर भारतात खळबळ उडाली आहे. (Hindenburg Research's Allegations against SEBI Chairperson Madhabi Puri Buch)
10 ऑगस्ट रोजी हिंडनबर्ग रिसर्चने वेबसाईटवर यासंदर्भातील रिपोर्ट प्रसिद्ध केला आहे. एका व्हिसलब्लोअरच्या कागदपत्रातून सेबी अध्यक्ष माधवी पुरी बुच, धवल बुच आणि अदाणी समूहाचे घोटाळ्यात कनेक्शन असल्याचे हिंडनबर्ग रिसर्चने म्हटले आहे.
हिंडनबर्ग रिसर्चने काय म्हटलंय?
हिंडनबर्गने रिपोर्टमध्ये म्हटलं आहे की, अदाणी ग्रुप आणि सेबी अध्यक्ष यांच्यात संबंध आहेत. भारताबाहेरील ज्या संस्थांमधील पैशांचा वापर अदाणी समूहातील विनोद अदाणींनी आर्थिक गैरव्यवहारासाठी केला. त्या दोन देशातील संस्थांमध्ये सेबी अध्यक्ष माधवी पुरी बुच यांची भागीदारी होती.
हेही वाचा >> उद्धव ठाकरेंच्या सभेदरम्यान ठाण्यात तुफान राडा, काय घडलं?
माधवी पुरी बुच आणि त्यांचे पती धवल बुच यांनी 5 जून 2015 रोजी सिंगापूरमधील आयपीई प्लस फंड 1 चे खाते उघडले होते. आयआयएफएल फंडाच्या घोषणेत गुंतवणुकीचा स्त्रोत पगार असल्याचे म्हटले गेले. बुच दाम्पत्याची एकूण गुंतवणूक 10 मिलियन डॉलर आहे. बर्म्युडा आणि मॉरिशस फंडामध्ये दोघांची छुपी हिस्सेदीरी होती, असेही हिंडनबर्गने रिपोर्टमध्ये म्हटले आहे.
हे वाचलं का?
