Govt Job: फ्रेशर्स उमेदवारांसाठी सरकारी नोकरीची संधी! BSNL मध्ये निघाली मोठी भरती...
फ्रेशर्स उमेदवारांसाठी केंद्र सरकारच्या भारत संचार निगम लिमिटेड (BSNL) कंपनीकडून भरती जाहीर करण्यात आली आहे. 'बीएसएनएल'ने या भरतीचं नोटिफिकेशन जाहीर केलं असून कंपनीत सीनिअर एक्झिक्यूटिव्ह ट्रेनी पदांसाठी भरती केली जाणार आहे.
ADVERTISEMENT
बातम्या हायलाइट
फ्रेशर्स उमेदवारांसाठी सरकारी नोकरीची संधी!
BSNL मध्ये निघाली मोठी भरती...
BSNL SET 2026: सरकारी नोकरी मिळवण्याच्या प्रयत्नात असलेल्या फ्रेशर्स उमेदवारांसाठी केंद्र सरकारच्या भारत संचार निगम लिमिटेड (BSNL) कंपनीकडून भरती जाहीर करण्यात आली आहे. 'बीएसएनएल'ने या भरतीचं नोटिफिकेशन जाहीर केलं असून कंपनीत सीनिअर एक्झिक्यूटिव्ह ट्रेनी पदांसाठी भरती केली जाणार आहे. ही पदे टेलीकॉम आणि फायनान्स शाखेत भरली जातील. यासाठी फ्रेशर्स उमेदवार देखील अप्लाय करू शकतात. या भरतीसाठी bsnl.co.in या BSNL च्या अधिकृत वेबसाइटवर 5 फेब्रुवारी रोजी सकाळी 10 वाजेपासून अर्ज करण्याची प्रक्रिया सुरू होईल.
काय आहे पात्रता?
BSNL च्या या भरतीमध्ये सहभागी होण्यासाठी इलेक्ट्रॉनिक्स अँड टेलीकम्युनिकेशन/ इलेक्ट्रॉनिक्स/ कंप्यूटर सायन्स/ इनफॉर्मेशन टेक्नोलॉजी/ इलेक्ट्रिकल/ इंस्ट्रूमेंटेशन विषयात बॅचलर्स ऑफ इंजीनिअरिंग/ बॅचलर्स ऑफ टेक्नॉलॉजी (बीटेक) डिग्री किंवा किमान 60 टक्के गुणांसह फुल टाइम डिग्री असणं आवश्यक आहे.
तसेच, फायनान्स पदासाठी चार्टर्ड अकाउंटंट (CA), कॉस्ट अँड मॅनेजमेंट अकाउंटंसी (CMA) ची डिग्री असलेले उमेदवार अर्ज करू शकतात. 15 मार्च 2026 ही अर्ज करण्याची शेवटची तारीख निश्चित करण्यात आली आहे.
हे ही वाचा: पुणे: अजितदादांच्या स्मरणार्थ पिंपरी-चिंचवडमध्ये "अजित सृष्टी" उभारणार! भाजप आमदार महेश लांडगे यांची मागणी
वयोमर्यादा
या भरतीसाठी अर्ज करण्यासाठी अनारक्षित (General)/ ईडब्ल्यूएस (EWS)/ ओबीसी (सीएल) प्रवर्गातील उमेदवारांसाठी 30 वर्षे वयोमर्यादा निश्चित करण्यात आली आहे. तसेच, ओबीसी (NCL) प्रवर्गातील उमेदवारांसाठी 33 वर्षे आणि एससी (SC)/एसटी प्रवर्गातील उमेदवारांसाठी 35 वर्ष (30+5) वयोमर्यादा निश्चित करण्यात आली आहे.
हे वाचलं का?
