Rain Update: रात्र वैऱ्याची... पहाटे 'या' धरणातून आणखी वेगाने सोडणार पाणी!
कोयना धरणातून आज पहाटे 3 वाजेच्या सुमारास 30 क्यूसेक एवढ्या वेगाने पाणी सोडण्यात येणार आहे. त्यामुळे नदीकाठच्या गावांना आता सतर्कतेचा इशारा देण्यात आला आहे.
ADVERTISEMENT
बातम्या हायलाइट
कोयना धरणातून प्रतिसेकंद 21 हजार 50 क्युसेक पाणी सोडले
सातारा, सांगली जिल्ह्यातील नदीकाठच्या गावांना सतर्कतेचा इशारा
पहाटे 3 वाजता पुन्हा वाढणार पाण्याचा वेग
कराड: महाराष्ट्राची वरदायिनी मानल्या जाणाऱ्या कोयना धरण पाणलोट क्षेत्रात पावसाचा जोर कायम आहे. त्यामुळे सायंकाळी पाच वाजल्यापासून धरणाचे सहा वक्री दरवाजे 1 फूट 6 इंच उचलून प्रतिसेकंद 10 हजार क्युसेक पाण्याचा कोयना नदीत विसर्ग सुरू करण्यात आला होता. जो आता 20 हजार क्युसेक एवढ्या वेगाने सोडण्यात येत आहे. तर आज पहाटे 3 वाजता त्याचा वेग अधिक वाढविण्यात येणार आहे. त्यामुळे नदीकाठच्या गावांना सतर्कतेचा इशारा देण्यात आला आहे. (rain update at 3 am water will be released from koyna dam at a faster rate alert issued to villages)
मुसळधार पाऊस सुरू असल्याने कोयना धरण व्यवस्थापनाने सायंकाळी सात वाजल्यापासून हा विसर्ग वाढवत प्रतिसेकंद 20 हजार क्युसेक पाणी कोयना नदीत सोडण्याचा निर्णय घेतला. त्यामुळे आता नदीचं पात्र अधिक विस्तारलं आहे.
हे ही वाचा>> Maharashtra Rain: पावसाचा धुमाकूळ, कोणत्या धरणातून किती सोडलं पाणी?
मागील तीन दिवसांपासून पायथा वीजगृहातून प्रतिसेकंद 1 हजार 50 क्युसेक पाणी कोयना नदीत सोडले जात होते. त्यामुळे सायंकाळी सात वाजल्यापासून कोयना नदीत प्रतिसेकंद 21 हजार 50 क्युसेक पाण्याचा विसर्ग सुरू राहणार आहे. त्यामुळे कोयना व कृष्णा नदीच्या पाणी पातळीत वाढ होणार असून सातारा व सांगली जिल्ह्यातील नदीकाठच्या गावांना दक्षतेचा इशारा देण्यात आला आहे.
पहाटे 3 वाजता पाण्याचा वेग वाढणार
कोयनेतून सध्या 20,000 क्युसेक इतका विसर्ग सुरु असून, तो पहाटे 3 वाजता 30,000 क्युसेक इतका होईल. सकाळी 9 वाजता तो 40,000 क्युसेक इतका होण्याची शक्यता आहे.
हे वाचलं का?
