मावळ हादरलं, 5 वर्षीय चिमुरडीवर बलात्कार अन् गळा दाबून हत्या, संपूर्ण महाराष्ट्रात संतापाची लाट
Maval Crime News : या घटनेनंतर उर्से गावासह मावळ तालुक्यात प्रचंड संतापाचे वातावरण आहे. निष्पाप चिमुकलीवर झालेल्या अत्याचाराने नागरिक सुन्न झाले असून आरोपीला कठोरात कठोर शिक्षा देण्यात यावी, अशी जोरदार मागणी होत आहे. अनेक नागरिकांनी पोलिस ठाण्याबाहेर जमून संताप व्यक्त केला.
ADVERTISEMENT
Maval Crime News : मावळ तालुक्यातील उर्से गावात एका पाच वर्षांच्या अल्पवयीन मुलीवर अत्याचार करून तिची निर्घृण हत्या केल्याची धक्कादायक घटना रविवारी उघडकीस आली. या अमानुष घटनेमुळे संपूर्ण मावळ परिसरात खळबळ उडाली असून नागरिकांमध्ये तीव्र संताप व्यक्त होत आहे. या प्रकरणी पोलिसांनी समीर कुमार मंडळ (वय 30, रा. उर्से, मूळ रहिवासी झारखंड) या आरोपीला अटक केली आहे.
मिळालेल्या माहितीनुसार, पीडित चिमुकलीचे वडील कामानिमित्त पुण्यात गेले होते. शनिवारी तिची आई देखील मजुरीसाठी बाहेर गेल्याने घरात ती एकटीच होती. संध्याकाळनंतर आई घरी परतली असता मुलगी घरात नसल्याचे तिच्या लक्षात आले. यानंतर नातेवाईक आणि शेजाऱ्यांच्या मदतीने परिसरात शोधाशोध सुरू करण्यात आली. मात्र, रात्री उशिरापर्यंत मुलीचा काहीही ठावठिकाणा लागू शकला नाही.
दरम्यान, पोलिसांना घटनेची माहिती मिळताच त्यांनी तातडीने तपास सुरू केला. प्राथमिक चौकशीत आरोपीने घराजवळीलच परिसरात मुलीला फूस लावून नेल्याचे स्पष्ट झाले. काही अंतरावर नेत तिच्यावर अत्याचार करण्यात आले आणि त्यानंतर गळा दाबून तिची हत्या केल्याचे तपासात उघड झाले आहे. या भीषण घटनेची नोंद मध्यरात्री सुमारे दीडच्या सुमारास करण्यात आली.
हेही वाचा : अहो, मला भेटायला या, सौंदर्याची खाण असलेल्या DSP चा उद्योगपतीवर लव्ह ट्रॅप, चॅटींग सोशल मीडियावर व्हायरल!
हे वाचलं का?
