पार्थ पवारांचं लग्न होणार 'या' दिवशी, तारीख जाहीर होताच पार्थ-कायनातचे Exclusive फोटोही आले समोर
Parth Pawar Wedding: राष्ट्रवादी काँग्रेसचे नेते उमेश पाटील यांनी खासदार पार्थ अजित पवार यांच्या साखरपुडा आणि विवाहाची तारीख जाहीर केली आहे. बारामतीत हा विवाह सोहळा पार पडणार आहे.
ADVERTISEMENT
कोल्हापूर: राष्ट्रवादी काँग्रेसचे नेते उमेश पाटील यांनी गुरुवारी (23 जुलै) खासदार पार्थ अजित पवार यांच्या साखरपुडा आणि विवाहाची तारीखच जाहीर करून टाकली आहे. त्यांनी दिलेल्या माहितीनुसार, पार्थ पवार यांचा साखरपुडा 29 जुलै 2026 रोजी साध्या कौटुंबिक समारंभात होणार असून, 27 फेब्रुवारी 2027 रोजी बारामती येथे विवाहसोहळा पार पडणार आहे.
यासोबतच पालकांच्या निधनानंतर विवाह कधी करावा, याबाबत समाजात प्रचलित असलेल्या समजुतीवरही करवीर पीठाचे शंकराचार्य यांनी महत्त्वाचे स्पष्टीकरण दिले आहे.
शंकराचार्यांनी लग्नाविषयी नेमकं काय सांगितलं?
उमेश पाटील यांनी सांगितले की, समाजात अशी धारणा आहे की आई किंवा वडिलांचे निधन झाल्यास कुटुंबातील विवाह एका वर्षाच्या आत करावा लागतो. अन्यथा पुढील तीन वर्षे विवाह करता येत नाही.
हे ही वाचा>> पार्थ पवारांची होणारी पत्नी कायनात दाराचं करिअर चर्चेत, कारकीर्द पाहून व्हाल थक्क!
याबाबतची धार्मिक वस्तुस्थिती जाणून घेण्यासाठी त्यांनी करवीर पीठाचे शंकराचार्य यांची भेट घेतली. छत्रपती शाहू महाराज आणि करवीर शंकराचार्य पीठ यांचा ऐतिहासिक संबंध लक्षात घेऊन धर्मशास्त्रातील परंपरा आणि विधी याबाबत मार्गदर्शन घेण्यात आले.