परभणी : तिहेरी हत्याकांडातील आरोपीची तुरुंगात गळफास घेऊन आत्महत्या, आई-मावशीसह आणखी एकाचा केला होता खून
Parbhani Crime : परभणी तालुक्यातील असोला गावात 2022 साली घडलेल्या तिहेरी हत्याकांडाने संपूर्ण परिसर हादरून गेला होता. या प्रकरणात राजू अडकिने या व्यक्तीने कौटुंबिक वादातून अत्यंत क्रूरपणे आपल्या आईसह मावशी आणि मावशीच्या नवऱ्याचा खून केल्याचा आरोप आहे.
ADVERTISEMENT
बातम्या हायलाइट
परभणी : आधी आई, मावशी अन् तिच्या नवऱ्याची हत्या केली
अन् आता आरोपीची कारागृहात गळफास घेऊन आत्महत्या
परभणी : परभणी जिल्हा कारागृहात तिहेरी खून प्रकरणातील आरोपीने गळफास घेऊन आत्महत्या केल्याची धक्कादायक घटना समोर आली असून, यामुळे संपूर्ण जिल्ह्यात खळबळ उडाली आहे. कोठडीत असलेला हा आरोपी खटल्याची सुनावणी सुरू असतानाच मृतावस्थेत आढळून आल्याने कारागृहातील सुरक्षेवर आणि प्रशासनाच्या कार्यपद्धतीवर गंभीर प्रश्न उपस्थित होत आहेत.
परभणी : तिहेरी हत्याकांडातील आरोपीची तुरुंगात गळफास घेऊन आत्महत्या
परभणी तालुक्यातील असोला गावात 2022 साली घडलेल्या तिहेरी हत्याकांडाने संपूर्ण परिसर हादरून गेला होता. या प्रकरणात राजू अडकिने या व्यक्तीने कौटुंबिक वादातून अत्यंत क्रूरपणे आपल्या आईसह मावशी आणि मावशीच्या नवऱ्याचा खून केल्याचा आरोप आहे. या घटनेनंतर ताडकळस पोलीस ठाण्यात त्याच्याविरोधात गुन्हा दाखल करण्यात आला होता. तपास पूर्ण झाल्यानंतर आरोपीला अटक करण्यात आली आणि तो तेव्हापासून परभणी जिल्हा कारागृहात कोठडीत होता.
सध्या हे प्रकरण न्यायालयात सुरू असून सुनावणीच्या प्रक्रियेत असतानाच, काल रात्री आरोपीने कारागृहातील आपल्या कोठडीत गळफास घेतल्याचे समोर आले आहे. कारागृह कर्मचाऱ्यांच्या निदर्शनास ही बाब आल्यानंतर तातडीने त्याला खाली उतरवून उपचारासाठी हलवण्याचा प्रयत्न करण्यात आला. मात्र, डॉक्टरांनी त्याला मृत घोषित केले. या घटनेमुळे कारागृहात काही काळ गोंधळाची स्थिती निर्माण झाली होती.
हेही वाचा : सांगली : नवीन वर्षाच्या पहिल्याच दिवशी NS लॉ कॉलेज समोर रक्ताचा सडा, किरकोळ वादातून तरुणाचा निर्घुण खून
हे वाचलं का?
