Prayagraj Stampede: कुंभमेळ्यात दुसरीकडेही झालेली चेंगराचेंगरी, सत्य कोणी लपवलं?
Prayagraj Mahakumbh Stampede: २९ जानेवारी रोजी प्रयागराजमधील संगम नाक्यावर झालेल्या अपघातात ३० जणांचा मृत्यू झाला. त्याच दिवशी संगम नाक्यापासून दोन किलोमीटर अंतरावर असलेल्या झुंसी येथेही चेंगराचेंगरी झाली.
ADVERTISEMENT
Prayagraj Mahakumbh Stampede: प्रयागराज: प्रयागराजमध्ये २९ जानेवारी रोजी पहाटे 2 वाजता संगम नदीच्या काठावर चेंगराचेंगरी झाली. ज्यामध्ये 30 जणांचा मृत्यू झाल्याची माहिती आहे. पण या चेंगराचेंगरीनंतर काही तासांतच पुन्हा एकदा चेंगराचेंगरी झाली. यावेळी ते ठिकाण संगम नाक्यापासून दोन किलोमीटर अंतरावर होते. चेंगराचेंगरीच्या ठिकाणी विखुरलेले कपडे आणि बुटांचे ढीग मोठ्या अपघाताकडे इशारा करत आहेत. परंतु मृत आणि जखमींच्या संख्येबद्दल अधिकृत माहिती नाही. तथापि, चेंगराचेंगरीच्या वेळी उपस्थित असलेल्या लोकांनी दावा केला आहे की त्यात अनेक लोकांचा जीव गेला. त्यामुळे असा दावा केला जात आहे की, याबाबतचं सत्य आता लपवलं जात आहे.
लल्लनटॉपचे अभिनव पांडे आणि व्हिडिओ पत्रकार मोहन कनौजिया यांच्या एक्स्क्लुझिव्ह रिपोर्टमध्ये या चेंगराचेंगरीची भीषणता उघड झाली आहे. व्हिडिओ फुटेजमध्ये, ट्रॅक्टरच्या मदतीने कपडे, बूट आणि बाटल्यांचे ढीग साइटवरून काढले जात असल्याचे दिसून येते. याशिवाय, आमच्या टीमने चेंगराचेंगरीच्या वेळी घटनास्थळी उपस्थित असलेल्या लोकांशीही संवाद साधला. त्यावेळी त्यांनी सांगितलं की, गर्दीत लोक चिरडले जात असल्याचे आणि नंतर तेथून मृतदेह बाहेर काढताना त्यांनी पाहिले.
हे ही वाचा>> Mahakumbh Video: चेंगराचेंगरीनंतर महाकुंभ मेळ्यात अग्नीतांडव! 15 टेन्ट जळून खाक, नेमकं काय घडलं?
ही घटना झूंसी येथे घडली. जे संगम नाक्यापासून फक्त दोन किलोमीटर अंतरावर आहे. गंगा नदीच्या उत्तरेकडील तीरावर असलेल्या झूंसीमार्गे देखील संगमावर पोहोचता येते. पहिली चेंगराचेंगरी पहाटे 2 वाजता झाली. झूंसीमध्ये सकाळी 6 वाजण्याच्या सुमारास चेंगराचेंगरी झाली. झूंसी येथील हल्दीराम कियोस्कच्या नेहा ओझा यांनी याबाबत लल्लनटॉपला सांगितले.
इथे मृतदेह पडलेले होते आणि त्यांच्याबद्दल कोणीही विचारत नव्हते. सकाळी गुदमरून मृत्युमुखी पडलेल्यांना दुपारी 1.30 वाजेपर्यंत बाहेर काढण्यात आले. चेंगराचेंगरीच्या चार तासांनंतर एक महिला कॉन्स्टेबल आली. जी पोलिसांना व्हिडिओ शूट करण्यापासून रोखत होती.
हे वाचलं का?
