Kerala Blast : टिफिनमध्ये होता बॉम्ब! वायर-बॅटरी… एर्नाकुलममध्ये काय घडलं?
ernakulam bomb blast News in marathi : केरळातील एर्नाकुलम येथे तीन बॉम्बस्फोट झाले. या स्फोटात एका व्यक्तीच मृत्यू झाला आहे. बॉम्बस्फोट कुणी घडवले, हे अद्याप स्पष्ट झालेलं नाही.
ADVERTISEMENT
Kerala Ernakulam Bomb Blast : रविवारी सकाळी एकापाठोपाठ तीन बॉम्बस्फोटांनी केरळ हादरले. केरळमधील एर्नाकुलम येथे एका ख्रिश्चन प्रार्थना सभेत तीन स्फोट झाले, ज्यात आतापर्यंत एकाचा मृत्यू झाला आहे, तर 20 हून अधिक लोक जखमी झाले आहेत. कन्व्हेन्शन सेंटरमध्ये हे स्फोट करण्यात आले.
पोलिसांना घटनास्थळी स्फोटात वापरलेल्या तारा, बॅटरी आणि इतर संशयास्पद वस्तूही सापडल्या आहेत. हा बॉम्ब टिफिन बॉक्समध्ये ठेवण्यात आला होता, असे प्राथमिक तपासात समोर आले आहे.
NSG दिल्लीहून रवाना
प्रकरणाचे गांभीर्य लक्षात घेऊन दिल्लीहून एनएसजी बॉम्बशोधक पथकही केरळला रवाना करण्यात आले आहे. एनएसजीच्या या टीममध्ये दोन वरिष्ठ अधिकाऱ्यांचाही समावेश आहे जे घटनास्थळी पोहोचून या प्रकरणाची चौकशी करणार आहेत.
या स्फोटानंतर समोर आलेल्या व्हिडिओमध्ये सगळीकडे फक्त आग आणि धूर दिसत आहे. हा स्फोट कसा झाला आणि कोणी घडवला हे अद्याप स्पष्ट झालेले नाही. या घटनेबाबत देशाचे गृहमंत्री अमित शाह यांनी केरळचे मुख्यमंत्री पिनराई विजयन यांच्याशीही चर्चा केली आहे.
हे वाचलं का?
