Mumbai Times Tower Fire: टाइम्स टॉवरला भीषण आग! अग्निशमन दलाच्या 9 गाड्या घटनास्थळी दाखल
Mumbai Times Tower Fire : मुंबईच्या कमला मिल परिसरातील टाईम्स टॉवरला आज पहाटेच्या सुमारास भीषण आग लागली. आगीमुळे परिसरात धुराचे लोट पसरले असून नागरिकांमध्ये भीतीचे वातावरण पसरले आहे.
ADVERTISEMENT
बातम्या हायलाइट
मुंबईच्या कमला मिल परिसरातील टाईम्स टॉवरला आज पहाटेच्या सुमारास भीषण आग
अग्निशमन दलाचे 8 ते 9 बंब घटनास्थळी दाखल
आगीवर नियंत्रण मिळवण्याचे प्रयत्न सुरु
Mumbai Times Tower Fire : मुंबईच्या कमला मिल परिसरातील टाईम्स टॉवरला आज पहाटेच्या सुमारास भीषण आग लागली. आगीमुळे परिसरात धुराचे लोट पसरले असून नागरिकांमध्ये भीतीचे वातावरण पसरले आहे. आगीची माहिती मिळताच अग्निशमन दलाचे 8 ते 9 बंब घटनास्थळी दाखल झाले आहेत. सध्या आगीवर नियंत्रण मिळवण्याचे प्रयत्न सुरु आहे.
सकाळी साडेसातच्या सुमारास ही आग लागली. माहितीनुसार, कोणतीही जीवितहानी झालेली नाही, मात्र काहीजण अडकल्याची शक्यता वर्तवण्यात येत आहे. आगीवर नियंत्रण मिळवण्यासाठी अग्निशमन दलाच्या सात ते आठ गाड्या घटनास्थळी दाखल झाल्या असून आग विझवण्याचे शर्थीचे प्रयत्न सुरू आहेत.आगीचे कारण अद्याप स्पष्ट झालेले नाही.
हेही वाचा : Maharashtra Weather: जरा जपून... धो-धो पाऊस बरसणार! IMD चा 'या' जिल्ह्यांना अलर्ट
टाइम्स टॉवर ही लोअर परळ भागातील कमला मिल्स कंपाऊंडमधील व्यावसायिक इमारत आहे. या इमारतीला सकाळी साडेसहा वाजता आग लागल्याचे सांगण्यात येत आहे. आगीचे व्हिडिओही समोर आले आहेत, जे खूपच भयंकर आहेत.
आगीची तीव्रता पाहता अग्निशमन दलाच्या 8 ते 9 गाड्या घटनास्थळी दाखल झाल्या आहेत. सध्या अग्निशमन दल आगीवर नियंत्रण मिळवण्याचे प्रयत्न करत आहे.
हे वाचलं का?
