अयोध्येतील राम मंदिराचे उद्घाटन कोण करणार? ट्रस्टचे चंपत राय काय म्हणाले?

श्री रामजन्मभूमी तीर्थ क्षेत्र ट्रस्टचे सरचिटणीस चंपत राय म्हणाले की, उद्घाटन कोण करणार, याचा विचार अद्याप झालेला नाही. कोणीही उद्घाटन करू शकतो. संत महात्माही करू शकतात. मंदिरात वयाच्या पाचव्या वर्षी रामाची मूर्ती बसवण्यात येणार असल्याचे त्यांनी सांगितले. ही मूर्ती वाल्मिकी रामायणातील वर्णनावरून तयार करण्यात आली आहे.

हेही वाचा >> Politics News in Marathi : भाजपचा 2024 साठी काय आहे ‘घर वापसी’ प्लान?

या वर्षी 28 एप्रिल रोजी श्री रामजन्मभूमी तीर्थ क्षेत्र ट्रस्टचे सरचिटणीस चंपत राय यांनी सांगितले होते की, कायमस्वरूपी गर्भगृहात रामललाचा अभिषेक पुढील वर्षी 22 जानेवारीला होणार आहे. ऑक्टोबरपर्यंत रामललाची मूर्ती आणि त्यापूर्वी सप्टेंबरपर्यंत गर्भगृह पूर्ण करण्याचे लक्ष्य आम्ही ठेवले आहे. गर्भगृहाच्या बांधकामात मकराना संगमरवरी वापरण्यात येत आहे.

मंदिराचे दरवाजे चंद्रपूरच्या सागवान लाकडाचे

अयोध्येत राम मंदिर उभारणीचे काम वेगाने सुरू आहे. निर्माणाधीन राम मंदिराच्या तळमजल्यावरील बांधकाम पूर्णत्वाकडे आहे. त्याचबरोबर दारे-खिडक्यांबाबतही तयारी सुरू झाली आहे. राम मंदिरात बसवल्या जाणारे दारे-खिडक्या बांधण्यासाठी लाकूडही अयोध्येत पोहोचले आहे.

राम मंदिराचे दरवाजे महाराष्ट्रातील चंद्रपूर येथील सागवान लाकडापासून बनवले जाणार आहेत. यासाठी सागवान लाकडाची पहिली खेप चंद्रपूरहून अयोध्येला पोहोचली आहे. नियम व अटींसह आयोजित कार्यक्रमानंतर दरवाजाचे बांधकामही करण्यात येणार असून, त्याला काष्ठ समर्पण सोहळा, असे नाव देण्यात आले आहे. 26 ते 30 जून दरम्यान हा सोहळा आयोजित केला जाण्याची शक्यता आहे.

हेही वाचा >> ‘मी लवकरच क्रांतिकारी निर्णय घेईन’, विधानसभा अध्यक्ष नार्वेकरांचं मोठं विधान

लाकूड समर्पण सोहळ्याची तारीख अद्याप ठरलेली नाही. या समर्पण सोहळ्याला उत्तर प्रदेशचे मुख्यमंत्री योगी आदित्यनाथ आणि महाराष्ट्राचे मुख्यमंत्री एकनाथ शिंदे देखील उपस्थित राहणार आहेत. लाकडी समर्पण सोहळ्याच्या आयोजनाची तयारीही सुरू झाली आहे. या कार्यक्रमाची तारीख लवकरच निश्चित होण्याची शक्यता आहे.