Mount Everest सर केल्यानंतर जीव गेला, नातेवाईकांनी मृतदेह तिथेच सोडला! कारण काय?
Hyderabad it professional Arun Kumar Tiwari death : Mount Everest सर केल्यानंतर खाली उतरताना 53 वर्षीय आयटी प्रोफेशनल अरुण कुमार तिवारी यांचा मृत्यू झाला. त्यांच्या कुटुंबाने मृतदेह पर्वतावरच सोडण्याचा निर्णय घेतला आहे.
ADVERTISEMENT
Hyderabad it professional Arun Kumar Tiwari death : हैद्राबादमधील आयटी प्रोफेशनल अरुण कुमार तिवारी यांनी 21 मे रोजी माउंट एव्हरेस्टच्या शिखरावर यशस्वीपणे पाऊल ठेवले होते. मात्र, शिखरावरून खाली उतरत असताना 'हिलरी स्टेप' जवळ त्यांचा दुर्दैवी मृत्यू झाला. या घटनेनंतर त्यांच्या कुटुंबीयांनी एक अत्यंत कठीण आणि भावनिक निर्णय घेतला आहे. अरुण कुमार तिवारी यांचे मेहुणे सुधीर उपाध्याय यांनी दिलेल्या माहितीनुसार, त्यांचे पार्थिव पर्वतावरच सोडण्याचा निर्णय घेण्यात आला आहे.
हेही वाचा : Maharashtra Weather : राज्यात 12 तास धोक्याचे! पाऊस धिंगाणा घालणार, 14 जिल्ह्यांना अलर्ट
कुटुंबाने घेतलेल्या निर्णयामागची कारणे
हा निर्णय घेण्यामागे तिवारींची पर्वत सर करण्याची आवड आणि पार्थिव खाली आणताना येणाऱ्या तांत्रिक अडचणी ही मुख्य कारणे आहेत. गेल्या वर्षीच्या अपयशी प्रयत्नानंतर तिवारी हे एव्हरेस्ट सर करण्यासाठी अधिक दृढनिश्चयी झाले होते. "त्यांना हे ठिकाण अत्यंत प्रिय होते आणि म्हणूनच आम्ही त्यांना तिथेच राहू देण्याचे ठरवले आहे," असे सुधीर उपाध्याय यांनी नमूद केले अरुण कुमार तिवारी हे मागील आठवड्यात एव्हरेस्टवरून उतरताना मृत्यूमुखी पडलेल्या दोन गिर्यारोहकांपैकी एक होते त्यांच्या या साहसी प्रवासाची आणि निधनाची बातमी ऐकून सर्वांनाच धक्का बसला आहे.
इतर महत्त्वाच्या बातम्या
