Girl Child: अवघ्या 7 दिवसांच्या मुलीला क्रूर आई-वडिलांनी फेकलं कुत्र्यांसमोर, पण..
Parents threw newborn baby girl in front of dogs: एका सात दिवसांच्या मुलीला तिच्या आई-वडिलांनी भुकेल्या कुत्र्यांसमोर फेकून दिल्याची धक्कादायक घटना राजस्थानच्या अलवरमध्ये घडली आहे. पण त्यानंतर येथील नागरिकांनी दाखवलेली तत्परता आणि आस्था याला मुंबई Tak चा सलाम
ADVERTISEMENT
Alwar Rajasthan: राजस्थान: देव तारी कोण मारी.. अशी एक म्हण ही अवघ्या सात दिवसांच्या मुलीसाठी तंतोतंत लागू पडत आहे. पण त्यापेक्षाही या नवजात मुलीच्या (newborn baby girl) आई-वडिलांनी जे कृत्य केलं आहे त्याने तुम्हाला राग अनावर होईल. राजस्थानमधील अलवरच्या नौगावा इथे एका दाम्पत्याला मुलगी झाली. पण मुलीचा जन्म होताच तिच्या क्रूर पालकांनी तिला संपवून टाकण्यासाठी भटक्या कुत्र्यांसमोर फेकून दिलं. पण नियतीच्या मनात काही तरी वेगळंच होतं. (parents threw their newborn baby girl in front of hungry dogs this incident in alwar rajasthan will shock you)
त्याचं झालं असं की, उलट्या काळजाच्या आई-वडिलांनी सात दिवसांच्या मुलीला रस्त्याच्या कडेला भटक्या कुत्र्यांसमोर फेकून दिलं होतं. खरं तर मुलीचं मरण निश्चित होतं. पण त्याच वेळी याच रस्त्याने जाणाऱ्या एका मुस्लिम तरुणाने चिमुकलीला पाहिलं. त्यानंतर त्याने तात्काळ मुलीला उचलून नजीकच्या दवाखान्यात नेलं.
दरम्यान, मुलगी सापडल्याची बातमी संपूर्ण परिसरात वाऱ्यासारखी पसरली. ही मुलगी रुग्णालयात आली तेव्हा ती खूप उपाशी होती. त्यामुळे यावेळी तेथे उपस्थित असलेल्या एका महिलेने मुलीला दूध पाजले. मुलीची संपूर्ण तपासणी केल्यानंतर ती पूर्णपणे निरोगी असल्याचे डॉक्टरांनी सांगितले. काही वेळातच मुलीला दत्तक घेण्यासाठी लोकही रुग्णालयात येऊ लागले. पण मुलगी दत्तक घेण्याची प्रक्रिया सरकारी आहे, त्यासाठी वेळ लागतो. त्यामुळे डॉक्टरांनी मुलाला ताब्यात देण्यास नकार दिल्याने तिला सरकारी कोठडीत मदर तेरेसा होममध्ये पाठवले.
नेमकी घटना काय?
लुकमान इस्लाम हा हाजीपूर गावातील सरकारी शाळेजवळून जात होता. यावेळी त्याला जवळच केळीच्या पानांवर कापडात गुंडाळलेले नवजात अर्भक त्याला आढळून आले. त्यावेळी कुत्रेही इकडे तिकडे फिरत होते. त्यामुळे त्याने तात्काळ या घटनेची माहिती ग्रामस्थांना दिली. काही ग्रामस्थ देखील घटनास्थळी पोहोचले.
हे वाचलं का?
