PFI Raids: NIAकडून कारवाईचा दुसरा राऊंड; पुणे, मुंबई, मराठवाड्यात अनेकांना घेतलं ताब्यात

राष्ट्रीय तपास यंत्रणेकडून (NIA) कारवाईचा दुसरा राऊंड सुरु करण्यात आला आहे. यामध्ये पुण्यातून ६ पीएफआयच्या समर्थकांना ताब्यात घेतलं आहे. त्यांची टेरर फंडिंग प्रकरणी चौकशी होणार आहे. ही कारवाई एटीएस आणि एनआयएच्या समन्वयातून झाली आहे. संबंधित कारवाई पाकिस्तानच्या समर्थनार्थ लावलेल्या घोषणांबाबत नाही, असे वरिष्ठ पोलीस अधिकाऱ्याने सांगितले आहे. पुण्याबरोबरच मराठवाड्यातून २१ समर्थकांना चौकशीसाठी ताब्यात घेतलं आहे. त्याचबरोबर ठाणे क्राईम ब्रँचने पीआयएफ संबंधी चार लोकांना ताब्यात घेतले आहे. ज्यामध्ये दोघांना मुंब्रा, एकाला कल्याण आणि एकाला भिवंडीमधून ताब्यात घेतले आहे.